Hi, 大家好，我係青紫蘇！話咁快日本夜生活系列嘅連載嚟到第4期啦。由Vol.4開始，我地嚟介紹女性都可以享受嘅夜生活。
而今次呢，就介紹最主流嘅「男公關夜總會」，即係「牛郎店」。
「ホストクラブ」（牛郎店）即係？
ホストクラブ（HOST CLUB, 牛郎店）其實即係キャバクラ（夜總會）嘅男人版。將女公關換上男公關。被稱為「HOST (牛郎)」嘅男性店員會伴坐台，為女性客人服務。基本上係一個牛郎對一個女性客人。
牛郎店嘅消費方式
跟住落嚟介紹下喺牛郎店要點消費。
1 基本收費
大概對牛郎店嘅印象大概係好貴。但係通常都會有「初回優惠」，第一次幫襯會有特價。
雖然因應唔同舖頭價錢唔同，但通常都係一個鐘1,000〜2,000円嘅範圍。貴嘅話大概就3,000円一個鐘左右。所以第一次入牛郎店相算唔難。
2 入店時要出示身分證明
日本法律規定未滿18歲唔可以入牛郎店。所以入店之前，記得確認自己有帶護照之類嘅身分證明文件。
3 用「男餐牌」揀牛郎
當查完證，被帶去座位之後。就可以用俗稱「男餐牌」嘅餐版去揀自己鍾意嘅男公關。這個時候，可以揀1至3位覺得唔錯嘅牛郎，話俾職員知。因為你坐喺位嘅時間都一定會有牛郎陪，所以要講定幾個，咁樣做舖頭亦會知你鍾意嘅類型，可以為你推介一嘅啱你嘅男公關。
去牛郎店注意事項
當然要為大家說明到訪牛郎店時有咩野要注意
確認係咪非日本人都可以入場
由於店員未必識外語，所以有嘅店舖會因為咁樣唔招呼外國人。所以第一次去牛郎店最好搵埋日本朋友，或者喺日本住嘅熟人一齊去比較好。
小心確認收費
有一部份嘅夜店會亂咁收費。唔單止遊客，連日本人都會被騙。所以唔識日語嘅外國旅客就更加會容易成為目標。為左避免不必要嘅麻煩，入場之前要睇清楚收費同埋野飲嘅價錢，最好記低埋去。
仲有係，首次惠顧嘅話，記得要係指定優惠時間內埋單走人。注意唔好玩過時。
千祈唔好唔記得，雖然首次優惠好平好扺玩，但個系統係由第二次去開始會越嚟越貴。仲有係雖然舖頭唔係撳住搶，但成日都會聽到一啲例子係，因為牛郎都好會花言巧語，因為咁樣而叫左高級酒或者貴價食物，之後埋單要成幾十萬。
確認可唔可以用信用卡
雖然近年越嚟越多舖頭可以用信用卡，但都仲係有舖頭只接受現金。
所以入場前記得要確認一下係咪可以用卡先。
牛郎基本上係永久指名
如果試過一次正式指名啲話，除非你唔再去同一間牛郎店，如果唔係就要守規矩唔可以再轉。想到鍾意嘅牛郎一齊過開心嘅時間嘅話，可能就要花多啲時間觀察，去揀值得你正式指名嘅男公關啦。
唔可以直接俾錢男公關
如果有同男公關喺舖頭外面嘅見面，即係「同伴前」或者「After」嘅服務，記住唔可以直接有金錢交易。因為咁樣直接俾錢男公關嘅話，夜總會那邊係無營利收入，屬於男公關背判公司嘅違規行為。
對於遊客嚟講，可能會當係「貼士」，但喺日本係違反規矩，會造成麻煩，所以記得要小心。
牛郎嘅說話都唔可以當真！
男公關會將自己嘅客人當成公主咁，但記住呢個只係佢地嘅工作。只係喺指定嘅空間同時間入面，令客人盡情開心飲酒玩樂而已。要記住自己係客人嘅身分，可以享受呢嘅成人嘅娛樂，但就千祈唔好當係真心！
東京內多牛郎店嘅街道
最後就介紹一下喺東京邊度比較多牛郎店。
新宿 歌舞伎町
日本最大嘅「夜之繁華街」之一。可以稱得上日本最多男公關夜總會嘅地方。
池袋
日本嘅上班女性嘅旺區之一。比較多平民化嘅牛郎店，深受各個世代嘅客層歡迎。
澀谷
可以話係日本年輕人蒲點嘅代表。連牛郎店嘅男公關都會比較年輕活潑。
日本嘅夜生活，唔係男人嘅專利，女性都有好多選擇。
多謝大家睇哂呢篇文章，今次就講到呢度，下次Vol.5再繼續介紹！
Comments