日本精彩夜生活系列Vol.2 日本Girl's Bar係點玩？

作者：Aoshiso

你好，我係青紫蘇（Aoshiso）！今次正式為大家介紹日本嘅「夜生活」。

「夜生活」經驗談，Vol.2，先嚟個熱身，為大家解說夜生活當中體驗門檻比較低嘅「Girl's Bar（ガールズバー）」啦。

「Girl's Bar（ガールズバー）」係？

「Girl's Bar（ガールズバー）」即係女調酒師為大家調製酒品服務嘅餐飲店。顧客通常坐喺BAR檯座位，一邊享用美酒，一邊可以同女調酒師傾計。最重要嘅原則調酒師係唔會坐喺客人身邊陪酒。

由於觀光客語言不通，又係初次登門嘅你，最擔心應該係消費金額吧。先為大家介紹Girl's Bar嘅消費方式。

按時收費，如「1個鐘1000円」之類。計算單位時間通常設定為每30分鐘或每1小時。

依舖頭會有唔同，可能會收取「小菜費用（お通し代）」。

另外，部分舖頭亦可能提供「1個鐘3,000 円任飲」等付費方案，同時收取座位費用同飲品費用。

飲品方面大約係1杯500円至1500円不等。料理價位通常為1,000円左右。如果係開香檳、紅酒等枝裝酒類，就要5,000円～20,000円。

有部份舖頭埋單時會收取10%～20%服務費。

Girl's Bar 除咗客人，女店員都可以一齊飲。如果有女店員想要飲酒嘅話，不妨請佢飲番杯吧。

收費依唔同舖頭會有唔同規矩，各家經營方式亦都唔同，埋單時金額亦有可能超出自己想像。另外亦有存在某啲「黑店、搵水魚劏」嘅舖頭，要求支付高額唔合理嘅款項。就算日本人亦會遇到呢啲問題發生，而觀光客同外國人由於語言不通、唔多熟悉亦唔太了解當地狀況，就更容易被定為目標「水魚」。

入舖頭消費前，最好先仔細確認好消費方式同飲費用，好好記清楚相關資訊，並且確認付款方式，例如可唔可以用信用卡或只能現金付款等。

去到Girl's Bar，當然想要開心快活咁享受一段開心時光。下面整理咗一啲注意事項，希望大家可以好好地了解、記住之後，先再去體驗。

店員多數只識講日文唔識講外語，所以有啲舖頭怕無法同外國嚟嘅客人順利溝通，有可能拒絕外國人入店消費。

想一訪Girl's Bar嘅話，盡可能叫埋日本當地嘅朋友仔或日本人一齊去會比較好。如果無朋友可以帶您去嘅情況之下，入店消費前，最好先向店員查詢一下，可唔可以用中文或英文溝通。

係Girl's Bar 絕對唔可以亂摸女生，呢個係相當理所當然嘅事。Girl's Bar 歡迎客人嚟飲酒，但並唔允許有身體上嘅任何接觸。倘若被人發現有違規行為，唔單止會被店員警告，仲有可能拒絕你入店消費，甚至會報警。一定要遵守規矩呀。

同女生飲酒傾計，好易不知不覺就會忘記時間流逝。但係，記得喺Girl's Bar最好唔好留太耐。消費時間越長，埋單費用就會逐漸增加。短短1個鐘感受一下氣氛就OK，最長2個鐘就適可而止。可以避免荷包大出血。

最後為大家介紹，嚟到東京要去哪些地方比較容易搵到Girl's Bar。

新宿歌舞伎町，無庸置疑，稱之為日本最熱鬧最大嘅繁華地區，係「夜生活」嘅代表區。夜晚好玩好去嘅地方眾多，更有多間Girl's Bar。對於觀光客嚟講，算係比較簡單容易前往嘅地區。

澀谷屬於年輕人嘅街道。係澀谷嘅Girl's Bar洋溢著年輕活力。想要同年輕妹妹傾計嘅話，推薦大家可以去澀谷吖。

六本木、銀座嘅Girl's Bar比較特別！處於消費中心以富裕階層為主嘅地區，同其他地區比較之下價位昂貴。但係，嚟到呢裡，有機會遇到知性形嘅女性吖。

都會區當中屬於較大眾價錢嘅池袋。日本上班族人來人往，亦係大家都好熟悉嘅夜生活景點之一。池袋嘅Girl's Bar氣氛輕鬆，比較容易入店消費。

大家覺得如何呢？去日本旅遊時，不妨搵個機會進去Girl's Bar享受美麗浪漫嘅夜生活啦！下次見。

非常感謝大家收睇文章。

※本文章針對訪日外國觀光客所寫嘅宣導介紹文章，FUN! JAPAN並未推薦大家親身實際造訪。