嗨，大家好！我係青紫蘇（Aoshiso）！
夜生活嘅系列文章來到了第三回。今次為大家介紹最主流嘅夜生活「キャバクラ（夜總會）」！
「キャバクラ」（夜總會）係？
「キャバクラ」（夜總會）定義上就係有「公關」或者「坐檯」嘅小姐們陪客人一齊飲酒傾偈嘅地方。
同上次介紹嘅「ガールズバー」（Girl’s Bar）一樣，日本夜總會嘅店員大多數都唔會識講外語，所以有啲夜總會怕無法同外國客人溝通，有機會因為咁樣拒絕外國人入店。「キャバクラ」（夜總會）同「ガールズバー」（Girl’s Bar）唔同嘅係，如果無法對話交談，或者就無辦法完整體會到去夜總會嘅樂趣，會覺得一啲都唔好玩。
另外，「キャバクラ」（夜總會）通常要有「風俗營業許」先可以開店營業，有牌就當然有義務要遵守「風俗營業法條」嘅規範，例如「營業時間只能到深夜12點」、「店員年齡須滿18歲」等等。如果有啲夜總會營業時間超過深夜12點，又或者店員睇起嚟太後生，就要小心避開，因為有機會係違法經營。
キャバクラ（夜總會）消費方式
キャバクラ（夜總會）埋單會有基本消費、服務費同稅金幾個項目。
基本消費
キャバクラ（夜總會）會因為唔同舖頭唔同，通常都係計鍾數費，50分～60分為一個單位。
基本消費會包左入店同坐位費，同埋一般HOUSE WINE嘅金額，基本消費嘅平均價位在3,000～8,000円不等。
服務費
支付給酒店公關小姐嘅服務費為消費金額嘅10%～30%左右。
稅金
通常係指消費稅，但キャバクラ（夜總會）嘅稅金略為唔同。會比一般消費稅多，收取消費金額嘅10%～30%左右。
信用卡付款的手續費
如果以信用卡付款，多數舖頭都會額外收10%～20%左右嘅手續費。
指名費用
如果有鍾意嘅小姐，想要佢一直陪係身邊，就要俾指名坐檯費用。相反，如果無指名特定小姐坐檯，就唔會有呢項費用。指名費除左每位小姐會有唔同，亦都會按時收費，同基本消費個計鐘方法一樣，一般一個單位大概1,000～3,000円。
延長費用
超過基本消費嘅時間會產生額外費用。延長30分鐘大概要3,000～5,000円；60分鐘就大概5,000～1萬円。
餐飲費用
除左基本消費入面已經包左嘅HOUSE WINE外，夜總會仲要提供多種唔同嘅酒。如果要飲其他酒或者請公關飲酒時，就要按落單收費。
通常一杯酒要1,500円。成支酒嘅話可以從4,000円起跳、高級酒甚至去到幾百萬円。如果要點野食嘅話，價位可以分別好大，由1,000円～3萬円都有。
去「キャバクラ」（夜總會）消費時必須注意嘅3點
1. 確認好消費方式先好入去
因為間間夜總會嘅經營方式同收費都唔同，埋單時個金額有機會超出哂預算同自己嘅想像程度。亦都有啲專門抬高格價㩒住搶嘅舖頭，要求顧客俾唔合理嘅費用。
就算係日本本地人都會遇到呢啲問題，如果遊客同外國人語言不通，又唔熟當地狀況，就更加容易成被劏死牛。
2. 唔好亂摸女生
喺キャバクラ（夜總會）絕對唔可以亂摸小姐，呢個係最基本守則。キャバクラ（夜總會）係招待客人飲酒，但唔容許有任何身體上嘅接觸。如果被人發現亂摸公關小姐，不單會被警告，仲有機會被趕走，拒絕你嚟消費，甚至會報警。所以記住要守規矩啊。
3. 唔好飲太耐
同女仔傾偈好容易傾到快樂不知時日過。不過就最好唔好喺キャバクラ（夜總會）留太耐。因為係按時收費，消費時間越長，埋單費用就會越貴。短短享受下一個鐘左右就最合適，最長就兩個鐘，適可而止。咁就可以避免荷包大出血。
東京最容易尋覓キャバクラ（夜總會）嘅地區
最後為大家介紹，嚟到東京要去邊到比較容易搵到キャバクラ（夜總會）。
新宿 歌舞伎町
新宿歌舞伎町係日本最大嘅不夜成。呢度有好多日本第一嘅キャバクラ（夜總會）。就算只係路過，觀光體驗一下日本獨特嘅夜生活氣氛都唔錯。
池袋
日本上班族鍾意去嘅地區之一。呢邊嘅夜總會收費比較大眾化，深受各個世代嘅客層歡迎。
澀谷
日本最具代表性嘅地區，係屬於年輕人嘅地盤。呢到嘅キャバクラ（夜總會）通常比較年輕活力。想要同日本女生一齊玩嘅話，澀谷係唔錯嘅選擇。
銀座・六本木
奢華高級嘅銀座、六本木，有好幾間日本知名人士都會私下去嘅キャバクラ（夜總會）。係呢度消費雖然特別貴，但公關小姐嘅質素亦係特別高。
今次嘅介紹大家覺得正唔正呢？實際上夜總會好多時係日本人招待公司客人嘅地方。係唔係覺得有啲不可思議呢？
咁我地下期連載再見啦。非常感謝大家閱讀文章。
※本系列文章係針對訪日外國觀光客所寫嘅提醒注意事項之介紹文章，FUN! JAPAN並無推薦大家親身實際造訪。
Comments