奈良縣坐擁多處賞櫻知名景點，當中包括被盛開櫻花包圍嘅神社同寺廟、整個山頭開滿一片粉紅花海嘅吉野山，仲有夜間賞櫻景點可以睇到點燈後夢幻嘅櫻花，排滿一日賞櫻行程完全無難度！
奈良縣人氣賞櫻景點
奈良縣勝在坐擁多個櫻花知名景點，因此每年櫻花季從各地前來嘅遊客都絡繹不絕。位於櫻井市嘅長谷寺、宇陀市內樹齡逾300年嘅枝垂櫻「又兵衛櫻」等等，都係唔可以錯過嘅賞櫻熱點。其中最著名嘅，必定要數到奈良市奈良公園，事關公園內櫻花種類豐富，春天櫻花季嚟到奈良一邊漫遊富有歷史文化嘅景點，一邊賞櫻，十分寫意！
日本第一櫻花名勝—奈良縣「吉野山」
吉野山自古以來就被稱為「日本第一櫻花名勝」。吉野山以白色山櫻為主，山上種有約有200種、約3萬株左右嘅櫻花樹，因其風景瑰麗，整座山因此被登錄為世界文化遺產。喺櫻花盛開嘅季節，遊客可以睇到滿山粉櫻絕景。吉野賞櫻最佳時期係4月上旬至中旬，白色山櫻分佈由下而上，分為下千本、中千本、上千本、奧千本四個區域。
喺吉野山上盛開嘅櫻花被譽為「一目可望千樹的豪華」，意思係「一目千本」（一眼可以睇到千株櫻花樹）。櫻花開花順序，從海拔最低嘅下千本逐漸開到最上面嘅奧千本，所以吉野山櫻花嘅賞花期可謂非常之長！另外，除咗櫻花順序盛開，仲可以欣賞到夜櫻點燈𠻹。
奈良縣賞櫻小貼士
奈良縣嘅賞櫻最佳時間因地區而異。開花期較早嘅區域盛開時間大約為3月下旬；位於奈良站附近嘅奈良公園，最佳賞花期則為3月下旬到4月下旬。
奈良嘅平均氣溫
奈良春天嘅氣候基本上係穩定舒適嘅。清晨氣溫約為5度，日頭溫度約為25度。早晚溫差大，服裝方面需要注意保暖。
奈良嘅氣候
與日本全國相比，奈良係相對降雨量，所以較為適合旅客去觀光旅遊。
去奈良玩嘅服裝
3月下旬去奈良旅遊的話，需要準備外套。因為4月份有時候仲會好凍，需要準備開襟羊毛衫、冷衫或夾克等保暖衣物。
前往奈良吉野山嘅交通方式
從京都出發的話，從京都站乘搭近鐵特急列車到梶原神宮前站，再轉乘近鐵並於近鐵吉野站落車，就會嚟到吉野山山腳下嘅下千本區喇～
景點資訊
- 名稱：吉野山
- 地址：奈良縣吉野郡吉野町吉野
- 交通方式：從近鐵吉野站步行即達吉野山的下千本
- Wi-Fi支援：有（吉野山區域內的神社佛寺等11個地方有提供Wi-Fi）
- 對應語言：僅限日文
- 入場費：免費
- 可否使用信用卡：不可
Comments