動漫‧遊戲角色成車身圖案 打造與眾不同「痛車」
大家知乜野係「痛車」嗎？就係指喺車身塗上動漫、遊戲角色等彩繪或者貼上動漫貼紙等嘅造型車款。
台場痛車天國2019
2019年3月，來自全國1000架痛車喺台場聚首一堂。會場大到小編花左幾個鐘，行到腳痛都行唔完，可見呢個活動有幾咁盛大。會場主要分成「卡車」、「商家攤位」、「私家車」、「電單車」同「單車」。
痛車唔單止有私家車 電單車同單車都可以精心改造
喺電單車上油動漫‧遊戲角色等彩繪或者貼上貼紙，可以稱之為「痛電單車(痛バイク)」。唔一定要有車先可以造「痛車」表達自己對動漫角色嘅愛戴，單車都一樣可以。
將單車改造則是稱為「痛單車」。
唔知如果踩呢架單車出街，會不會被截停問話呢？
以小編觀察，越改造得誇張顯眼嘅痛車，就越聚集得多人，讓人忍唔住想睇多幾眼。
相關文章請點此：獨樹一格嘅痛車—集合左日本標奇立異嘅車款！充滿左車主對動漫角色嘅熱血同愛情！
仲有！！！！初音未來嘅粉絲改造嘅痛車！公仔本身就夠可愛，仲要一次過咁多個擺埋一齊，真係有夠萌！！！！
《LoveLive！》嘅粉絲睇見會勁High嘅痛車也超多。真係好想開呢架車去音之木坂學院啊！！！！
如果鍾意動漫遊戲嘅人，去到痛車天國相信會非常興奮，留喺會場睇到唔願走！如果有機會記得下次展覽時要嚟見識下啦！
Comments