意日本動漫嘅朋友，相信平時都會收集鍾意嘅動漫週邊，同埋參加相關活動。日本嘅動漫迷當然唔會遜色，會用盡各種方法表現自己對作品嘅愛同熱情。
今次FUN!JAPAN就去左「2019台場痛車天國」，帶大家一齊睇下動漫迷花盡心機，改裝自己嘅愛車，貼滿各種動漫遊戲嘅裝飾，自行改裝到色彩繽紛，令人眼花撩亂，由於太多展品，篇幅所限，今次唯有就割愛只精選幾架非常有特色的「痛車」同大家分享！
1． 油到成架Ben士做「THE IDOLM@STER」！
車身油左車主推嘅「THE IDOLM@STER 偶像大師」角色。成架紫色底咁顯眼嘅Ben士行駛喺街上，相信會吸引無數目光。車主對作品嘅愛同熱情，絕對比得起高級Ben士嘅價值。
2．電單車雙車頭燈變做POP TEAM EPIC對眼 ！？點解可以改到咁可愛架！
將車頭燈改到咁可愛，係咪好有治瘉感呢？正面睇真係萌到爆，但睇側面就依然有霸氣，非常佩服車主可以將可愛同型匯聚係同一架車上面。大家係咪都好想呢架電單車去兜風呢？
３．突破空間嘅烈火加埋強勁音響，直頭燒到埋身
成架車好似被火燒咁，仲要好有立體感咁燒出嚟，非常吸人大家注目。車上仲裝左好多喇只，連埋火焰嘅裝飾，真係成件藝術品咁。雖然同一般「痛車」推角色或者賣萌賣可愛有啲唔同，但就更加特別顯眼。
4．翼門真係變成雀仔咁？唔止型仲好可愛
迷你車款加上醒目嘅黃色車身，車主將「花開物語」嘅松前緒花放上翼門，令原本係走cool路線嘅翼門即刻變得可愛，非常有新鮮感。車軚仲要係櫻花造型，趁哂成套。
５．豪華擺設成「公仔世界」
車主大概係想曬哂自己嘅收藏品，不單止喺車上貼上各種各樣嘅動漫角色車貼，仲喺車旁show哂一種figure公仔同周邊。完全呈現左車主嘅獨特世界觀，行過都忍唔住望多幾眼。
大家覺得點呢？有無見到你心水呢？嚟日本旅行時，有機會不妨多參加呢類活動，令你嘅旅遊回憶更加有特色。
Comments