fans們期待已久嘅日本環球影城「美少女戰士」最新情報已出爐～！小編好想要月野兔同豆釘兔嘅公仔鎖匙扣吊飾啊！超可愛！！！！
2019年「Universal Cool Japan 2019」五週年活動終於要喺5月31日華麗登場啦！呢次將有全新主題嘅4D電影設施，同時仲公開咗首波10多款周邊商品率先睇，大家快啲睇定有咩想買囉！（招手）
日本環球影城・Universal Cool Japan 2019
呢次美少女戰士全新嘅4D電影，將帶領大家跟住10位戰士一同感受更立體、更傳神嘅變身場景。另外仲記唔記得上年有「環球甜心神杖」嘅5色光芒重現變身喬段呀？今年則有變化10種不同顏色嘅「閃耀胸針」！絕對更有臨場感！
日本環球影城・美少女戰士周邊介紹
另外仲有一系列美少女戰士周邊商品率先睇，首先就係上年一出就令fans陷入瘋狂狀態，必搶嘅爆谷桶！今年又再次限量販售！！精緻細膩嘅水手服造型、藍紅白嘅鮮豔配色，之前無買到嘅朋友真係唔好再錯過！（我都好想要啊～！）
靚到不得了嘅水手服珠寶托盤、別針徽章組。
可愛小巧嘅磁鐵組合，以及美少女戰士水手服鎖匙扣。
精緻嘅原子筆，仲有瞬間變身美少女戰士嘅髮夾套組。
嘩嘩嘩！呢個兩段式心型頸鍊超靚啊！！！仲有中央位會閃閃發光嘅iPhone手機殼～
最後有月野兔同豆釘兔嘅公仔鎖匙扣吊飾，同埋罕見嘅Sailor Moon人偶公仔添啊！
今次「Universal Cool Japan2019」嘅美少女戰士企劃將喺5月31日正式登場，倒數仲有一個禮拜咋，又可以去日本環球影城加入美少女戰士嘅行列啦～快啲諗定掃邊樣返屋企！（唔使諗！全部！哈哈）
活動資訊
© 妞新聞 www.niusnews.com
Comments