東京迪士尼海洋®又有全新遊樂設施即將登場喇！繼2017年「海底巡遊艇：尼莫＆好友嘅海洋世界」後，官方日前已宣布「翱翔：夢幻奇航」將於2019年7月23日同大家見面，準備從地中海港灣，帶領遊客展開一段美好嘅空中旅程。
東京迪士尼海洋®「翱翔：夢幻奇航」
「翱翔：夢幻奇航」係以海外迪士尼主題園區廣受歡迎嘅大型遊樂設施「Soarin’ Around the World」為原型，加入嶄新場景，打造東京迪士尼海洋®僅有嘅精彩體驗。
以模擬飛行嘅方式，帶領遊客於空中探訪世界風景名勝。5分鐘嘅飛行旅程中，你將可以欣賞遼闊壯觀嘅影像，體驗彷彿身歷其境嘅感受。適合一家大細一齊創造遨遊天際嘅難忘時刻。
可以使用PAST PASS(FP)玩「翱翔：夢幻奇航」，設有乘搭身高限制，未滿102厘米嘅遊客會被禁止乘搭；另外，入住迪士尼酒店嘅遊客，將可自開園前 15 分鐘，率先入園體驗「翱翔：夢幻奇航」遊樂設施。
翱翔：夢幻奇航基本資料
- 體驗時間：約 5 分鐘（模擬飛行嘅時間）
- 可容納人數：每間投影廳 87 名
- 投影廳數：2 廳
- 開幕日期：2019年7月23日
- 特設網站：https://www.tokyodisneyresort.jp/treasure/soaring/tc/
有關「翱翔：夢幻奇航」
於俯瞰地中海港灣嘅高地上，有一座宣揚人類翱翔美夢嘅獨特博物館──「夢幻奇航博物館」。 博物館正舉辦「卡梅莉雅‧福爾科」嘅成就回顧特別展覽，以緬懷呢位對研究飛行鍥而不捨，且一心努力築夢向前嘅女性。
踏入博物館後，可沿途欣賞館內各種展示，並進入特展會場參觀。喺了解「卡梅莉雅」生平功績時，同佢嘅靈魂奇妙相遇。最後，仲可以搭上佢同拍檔共同開發嘅「夢想飛行器」。
「卡梅莉雅」堅信「創想與夢想嘅力量可突破時空限制，來往各地暢行無阻」。乘載著呢份信念嘅「夢想飛行器」，將結合遊客嘅力量將夢想成真，開展一段浩然壯闊又心曠神怡嘅天空之旅。
Comments