徹底介紹宮崎高千穗‧天岩戶神社嘅神秘魅力

位於九州宮崎縣人氣觀光地區高千穗嘅天岩戶神社，係日本古書《古事記》同《日本書紀》中所記載嘅天岩戶神話嘅舞台。今次小編要為大家介紹有關天岩戶神社嘅歷史以及其特色。

關於天岩戶神社

位於宮崎縣西臼杵郡高千穗町，傳聞為《古事記》及《日本書紀》中所記載嘅天岩戶神話嘅舞台。 隔著岩戶川嘅西本宮同東本宮都係祭祀天照大御神。西本宮內嘅「天岩戶徴古館」內展出勾玉等古代裝飾品、陶器、考古資料及其他約2000件藝術品等。

天岩戶神社嘅特色

主要景點為「西本宮」同「東本宮」。據神話記載，「西本宮」係祭祀藏於天岩戶洞穴內嘅天照大神嘅神社。作為御神木嘅「招靈樹」除咗喺長野縣諏訪，淨係得呢度先可以睇到！葉片同果實形狀特別嘅「古代銀杏」等都係特色看點。西本宮御神體「天岩戶」位於山谷林間，喺神職人員嘅帶同下，可以參拜前殿後面嘅遙拝所（即參拜嘅地方）。有劃分觀光導覽時間，想參加嘅話，請指定時間去「休憩所」集合啦。

「東本宮」係天照大神從天岩戶出嚟後，最初居住嘅地方。正殿背後湧出「御神水」及7根連埋一齊嘅七本杉等。

另外，從「西本宮」沿著岩戶川行約10分鐘就可抵達天安河原，據聞喺天照大神藏身於岩戶嘅時候，各神明聚集喺呢度開會諗辦法嘅洞穴。現今，到訪嘅人會喺呢度堆疊石頭祈求願望，營造一股神秘嘅氣氛。

出發去天岩戶神社嘅交通方式

於JR「延岡」站乘搭宮崎交通路線巴士約1小時40分鐘，於「高千穗巴士中心」落車，轉搭路線巴士約20分鐘，於「岩戶」落車即抵達。

從熊本站出發嘅話，搭宮崎交通特急巴士「高千穗號」約3個半鐘，喺「高千穗巴士中心」落車，轉搭路線巴士約20分鐘，於「天岩戶」站落車即抵達。

景點資訊

• 景點名稱：天岩戶神社
• 地址：宮崎縣西臼杵郡高千穂町岩戶1073番地1
• 有無提供Wi-Fi : 休憩所內有提供
• 對應語言：中文（繁體字／簡體字）、英文、韓文（網站）
• 票價：免費
• 開放時間: 08:30～17:00（社務所）
• 休息日：全年無休