水前寺公園係日本熊本市觀光必去嘅景點之一。公園中心有由清澈嘅泉水組成嘅池塘。呢度係一個具有江戶時代風景嘅寧靜庭園。本文將為大家介紹呢個公園嘅特色同歷史。
熊本旅行必去！關於熊本嘅水前寺公園
水前寺公園嘅正式名稱為「水前寺成趣園」，係一個美麗嘅桃山式回遊庭園。庭內水池嘅水來自阿蘇山嘅伏流。熊本藩嘅第一位藩主鐘意欣賞清澈嘅水，於是喺呢度設置咗一個茶屋。花費多年，庭園喺第三代藩主個陣終於建設完成。
祭祀肥後（熊本）藩主嘅水前寺公園內嘅「出水神社」同神水「長壽之水」
水前寺公園內裡嘅「出水神社」，祭祀歷代藩主。神社境內，俾參拜者洗手同漱口嘅「手水舍」所使用嘅水盤名被命名為「袈裟紋水磐」。
手水舍隔離仲有一個「長壽之水」。手水舍嘅水同長壽水都係來自阿蘇山嘅伏流。味道醇厚又可口嘅水，成為好多著名作家同詩人讚美嘅對象。
熊本・水前寺公園內嘅活動
水前寺公園係由出水神社管理嘅土地。因此，定期會舉辦祭祀活動。喺春天同秋天會表演能劇「流鏑馬」。「流鏑馬」由武者裝扮嘅年輕騎士，表演喺奔馳嘅馬上射箭。夏天嘅夜晚會有「薪能」－喺篝火映照下，表演日本傳統能劇、狂言劇。
於水前寺公園品味抹茶與熊本藩・細川家秘傳嘅傳統菓子
水前寺公園内嘅「古今傳授之間」係一座建於400年幾年前嘅建築。即使經過長時間嘅歲月，仍保留咗當時嘅建築面貌。於「古今傳授之間」，可以付費品嚐抹茶以及細川家秘傳嘅傳統和菓子「加勢以多」。
熊本・水前寺公園門票及開放時間
水前寺公園嘅門票為高中生以上400円、初中生同小學生200円。開放時間為3月至10月上午7點半至下午6點，11月至2月則係上午8點半至下午5點。
如何前往熊本・水前寺公園呢？
前往水前寺公園有幾種方式。從機場乘搭利木津巴士到交通中心約50分鐘，從辛島町站乘搭市電25分鐘即可到達水前寺公園站。而從熊本站乘坐電車約35分鐘即可抵達「水前寺公園電停」站。另外，如果從熊本車站出發，乘搭豐肥本線8分鐘就可以到達新水前寺站，於新水前寺站轉乘市電3分鐘就會到達「水前寺公園電停」。從「水前寺公園電停」步行到水前寺公園約4分鐘。
景點資訊
- 名稱：水前寺成趣園
- 地址：熊本市中央區水前寺公園8-1
- 交通方式：從熊本機場乘搭利木津巴士約50分鐘，於交通中心落車，從辛島町站乘搭市電約25分鐘，於水前寺公園落車後步行4分鐘。從熊本站乘搭市電約35分鐘，於水前寺公園落車步行4分鐘。從熊本站乘搭豐肥本線約8分鐘，於新水前寺落車，乘搭市電約3分鐘，於水前寺公園落車步行4分鐘。
Comments