仙台有好多美食同觀光景點，亦有好多購物好去處，可以買到時尚產品、雜貨同手信。以下要推薦一啲仙台市內嘅購物景點。
仙台車站直接相連嘅商場「S-PAL仙台」
「S-PAL仙台」係一個同仙台車站直接相連嘅購物中心，內有300多間店舖。有時尚品牌、家居用品同美食餐廳。喺餐廳可以品嘗到東北同仙台美食。如牛舌專賣店、又有可以食到新鮮海鮮嘅壽司店，仲有當地鄉土料理店。另外亦非常推薦去行「EKICHIKA 土產通」（エキチカおみやげ通り）、「Date no Komichi」（伊達のこみち）等購物區，可以買到東北、仙台嘅紀念品。
店家資訊
- 名稱: S-PAL仙台（エスパル仙台）
- 地址: 宮城縣仙台市青葉區中央1-1-1
- 交通方式: JR仙台站直結
鄰近仙台車站的「拱廊商店街」
「拱廊商店街」（アーケード商店街）係仙台站西口以北六條商店街嘅總稱。匯集咗各種商店，可以享受仙台特色料理嘅餐廳、仙台紀念品店、時尚品牌店、家居用品店。其中最引人注目嘅就係「Clis Road（クリスロード）商店街」，有超過100間商店，包括可以享受仙台名產，如牛舌、魚板等餐廳。
店家資訊
- 名稱: 拱廊商店街（アーケード商店街）
- 地址: 仙台市青葉區中央2-1-30
- 交通方式: 從仙台站西口步行約3分鐘
琳瑯滿目的宮城縣新鮮食材：仙台朝市
「仙台朝市」係一個市場，可以喺呢度買到宮城縣產嘅新鮮肉類、海鮮、蔬果等。大約有70間店，大部分商店營業時間為朝早8點到下午6點。「仙台朝市」仲有好多餐廳，採用市場內嘅新鮮食材製作美味料理。其中有啲可以外賣嘅熟食店，可以買完邊行邊食，體驗朝市嘅氣氛。
店家資訊
- 名稱: 仙台朝市
- 地址: 宮城縣仙台市青葉區中央4-3-28
- 交通方式: 從仙台站西口步行約7分鐘
東北最大的Outlet：MITSUI OUTLET PARK 仙台港
「MITSUI OUTLET PARK 仙台港」係東北地區最大嘅Outlet，有國際知名品牌、日本人氣品牌等大約120間店。除咗購物，美食廣場、紀念品手信店、仲有一座高約50米嘅摩天輪。
可以搭連接仙台機場—松島—花卷溫泉嘅觀光巴士，直接前往Outlet。從仙台機場出發嘅車程約35分鐘，票價為500円。推薦搭觀光巴士，比搭電車快又便宜。
店家資訊
- 名稱: MITSUI OUTLET PARK 仙台港
- 地址: 宮城縣仙台市宮城野區中野3-7-2
- 交通方式: 從JR仙石線「中野榮站」步行約8分鐘，或仙台機場「2號巴士站」搭岩手縣北巴士直達，約35分鐘
Comments