山梨縣觀光推薦酒店3選

山梨縣有多個著名嘅旅遊景點，如甲府、石和、勝沼、富士吉田等，景點附近坐立各式各樣嘅酒店。今次小編就要為大家介紹山梨縣觀光推薦嘅3間酒店。

山梨縣名湯：石和溫泉富士酒店

位於石和溫泉鄉嘅「石和溫泉富士酒店」，提供6種溫泉。擁有山梨縣最大嘅大石浴池、可以欣賞庭園風景嘅露天浴池以及俯瞰甲府盆地嘅私人浴池。另外，酒店有溫暖嘅木質日式客房、活用食材製作嘅精緻御膳料理，以及可以單獨訂購嘅山梨縣美食紀念品亦非常具吸引力。

「富士急樂園度假酒店＆溫泉」係一間可以欣賞富士山壯麗景色嘅度假酒店。房客可以獲得「富士急樂園」開園前15分鐘優先入場、「FUJIYAMA溫泉」入館免費等優待。另外，館內嘅設施充實，有4間餐廳、酒吧休閒室同紀念品店，毗鄰酒店嘅「FUJIYAMA溫泉」仲提供SPA同美容服務。

酒店資訊

「清里高原酒店」位於八岳山麓，海拔1,450米，亦被稱為「天空的樂園」。從客房可以欣賞南阿爾卑斯山同富士山嘅壯麗景色。夜晚，抬頭就係滿天星斗。酒店四樓有天文台，可以免費體驗天文觀測。亦非常推薦露天浴池，可以一邊浸溫泉一邊欣賞星空。