富士五湖係位於富士山山麓、山梨縣隔離5個湖泊嘅總稱。作為構成富士山嘅一部分，登錄為世界文化遺產。富士五湖附近有美麗嘅大自然環境圍繞，亦有眾多住宿設施同觀光景點。
關於富士五湖
富士五湖指嘅係河口湖、山中湖、西湖、精進湖同本栖湖5個湖泊。原本喺500萬年前仲係海底火山嘅富士山，經過數次重複噴發之後，形成新生土地，並且喺呢個過程中，約2千年前誕生咗呢啲湖泊。
河口湖
河口湖係富士五湖當中位於最北方位置嘅湖泊。從東京前往河口湖嘅交通方式便利，因此成為富士五湖觀光嘅據點。河口湖周圍有自然公園、美術館、行人徑、纜車、遊覽船等觀光設施，以及河口湖溫泉鄉嘅住宿設施亦相當充實。
景點資訊
- 名稱：河口湖
- 地址：山梨縣南都留郡富士河口湖町
- 交通方式：富士急行線「河口湖站」即刻抵達
山中湖
山中湖係富士五湖當中面積最大嘅湖泊。仲有機會睇到相當知名嘅「鑽石富士」，一個富士山頂與太陽重疊產生嘅光學現象。並且可以進行露營、踩單車、釣魚等等戶外活動，以及擁有山中湖溫泉鄉。
景點資訊
- 名稱：山中湖
- 地址：山梨縣南都留郡山中湖村
- 交通方式：富士急行線「河口湖站」乘搭巴士約30分鐘車程
西湖
西湖係位於富士五湖正中間位置嘅湖泊。與青木原樹海相連，擁有豐富嘅自然資源。例如喺「富岳風穴」同「鳴澤冰穴」等天然洞窟當中，可以欣賞到夏天都唔會融化嘅冰柱、溶岩棚、繩狀溶岩等等充滿神秘氛圍嘅景色。
景點資訊
- 名稱：西湖
- 地址：山梨縣南都留郡富士河口湖町
- 交通方式：富士急行線「河口湖站」乘搭巴士約25分鐘車程
精進湖
精進湖係富士五湖當中最細嘅湖泊。同其他湖泊相比，湖面平穩，可以拍攝到清楚倒映喺湖面嘅「逆富士」。此外仲可以欣賞到「抱子富士」嘅景色。因為喺精進湖同富士山中間有座比較細嘅山，睇落去好似富士山抱著小山一樣咁而擁有嘅稱呼。
景點資訊
- 名稱：精進湖
- 地址：山梨縣南都留郡富士河口湖町
- 交通方式：富士急行線「河口湖站」乘搭巴士約45分鐘車程
本栖湖
本栖湖係富士五湖當中最深且透明度高嘅湖泊。此外，日本現行一千円鈔票背面所描繪嘅富士山正正就係從呢度所睇到嘅景色。湖畔嘅自然公園係「富士芝櫻祭」嘅會場，4月中～5月底係最佳嘅觀賞季節，可以欣賞到留有殘雪嘅美麗富士山同整片芝櫻嘅美景。
景點資訊
- 名稱：本栖湖
- 地址：山梨縣南都留郡富士河口湖
- 交通方式：富士急行線「河口湖站」乘搭巴士約50分鐘車程
從東京前往富士五湖嘅交通方式
要從東京前往富士五湖，首先要先到河口湖，再從河口湖到乘搭前往其他各個湖泊嘅巴士。
此外，從東京前往河口湖嘅時候，建議從JR新宿站乘搭電車或巴士前往。乘搭電車嘅話，乘搭JR中央本線再轉乘富士急行線，約2個鐘可以抵達河口湖站。選擇乘搭高速巴士嘅話則係從新宿站隔離嘅「新宿巴士轉運站」乘搭往河口湖嘅巴士。車程時間大約2個鐘。
Comments