富士山腳下有多間酒店可以欣賞到富士山壯麗嘅景色。從酒店客房或戶外浴池欣賞到嘅景色，令人留下深刻印象。以下小編要為大家推薦兩間欣賞富士山絕景位置最好嘅酒店。
位於山梨縣及靜岡縣地區，欣賞富士山嘅最佳酒店
如果想欣賞美麗壯觀嘅富士山，推薦大家入住山梨縣嘅富士五湖地區、靜岡縣嘅御殿場及富士宮地區嘅酒店。呢啲地區除咗擁有美好嘅景觀，好多旅遊相關嘅發展都好蓬勃，除咗住宿，仲可以享受多種樂趣。
富士五湖之一嘅河口湖係受到好多遊客喜愛嘅熱門地區，有好多適合影相嘅景點，仲有溫泉。從東京市中心出發非常方便。今次要為大家推薦幾間河口湖附近嘅酒店。
河口湖度假村酒店：風之露台KUKUNA
「風之露台KUKUNA」嘅所有客房均有開放式露台。酒店嘅設計充滿南國風情。「天空之露台」頂層有觀景露天浴池；客房嘅露台同露天浴池可以俯瞰富士山同河口湖。另外，喺美景餐廳，可以品嚐採用當地食材製作嘅創意料理、鐵板燒同自助吧。其他設施包括酒吧、休閒美容院、禮品店、卡拉OK同遊戲中心。除咗享受風景同美食外，係一間可以享受各種樂趣嘅酒店。
酒店資訊
- 名稱：風之露台KUKUNA (風のテラスKUKUNA)
- 地址：山梨縣富士河口湖町淺川70
- 交通方式：富士急行線「河口湖站」乘搭接駁車約5分鐘
- Wi-Fi：大廳及所有客房都可以使用免費Wi-Fi
- 其他國家語言對應：英文
- 可否使用信用卡：可以
擁有可以欣賞富士山嘅大型花園同露天浴池：鐘山苑酒店
擁有可以欣賞富士山嘅大型日式花園同屋頂露天浴池。其中，日本庭園係熱門觀光景點。隨著唔同季節變化嘅景色，可以一邊散步一邊欣賞壯麗嘅富士山。酒店客房係傳統日式風格。可以品嚐使用山梨縣當地食材製作嘅日本料理；每晚有靈峰太鼓秀可以欣賞，酒店內裝飾咗美麗嘅日式插花，豐富設施同完善服務亦受到好多好評。
酒店資訊
- 名稱：鐘山苑酒店 (ホテル鐘山苑)
- 地址：山梨縣富士吉田市上吉田6283
- 交通方式：於富士急行線「富士山站」乘搭接送巴士或乘搭的士約10分鐘
- Wi-Fi：所有客房皆提供免費Wi-Fi
- 其他國家語言對應：英文、中文
- 可否使用信用卡：可以
Comments