九州嘅熱門旅遊地之一「熊本縣阿蘇市」有好多景點同酒店。今次小編就同大家介紹阿蘇嘅旅遊景點及推薦其中兩間酒店。
阿蘇嘅人氣旅遊景點
阿蘇係一個被大自然包圍嘅城市，充滿好多美麗嘅景點。範圍廣闊，大致分為北阿蘇、阿蘇中部同南阿蘇三個地區。
北阿蘇
北阿蘇有黑川、涌蓋、杖立等溫泉鄉。其中，黑川溫泉於《2009年米芝蓮綠色指南—日本》中獲得兩星評價，係一個著名嘅溫泉勝地，有多間日式溫泉旅館。
阿蘇中央
阿蘇中央係阿蘇觀光嘅核心地區。有豐富嘅旅遊景點，例如，阿蘇山、草千里之濱、阿蘇神社同「阿蘇NATURE LAND」。喺阿蘇NATURE LAND可以體驗到熱氣球、滑翔翼、瑜珈等活動。另外，呢個觀光地區嘅酒店、旅館、民宿都好多。
南阿蘇
南阿蘇係水源同綠地豐富嘅地區。日本嘅名水「白川水源」、「竹崎水源」、「白絲瀑布」等療癒人心嘅景點都非常受歡迎。呢個地區擁有豐富嘅水源，因此有多間提供天然溫泉嘅日式旅館。
阿蘇地區酒店推薦
以下為大家精選出兩間酒店，一間鄰近阿蘇車站，另一間係喺阿蘇先至有嘅特色酒店。
可以欣賞阿蘇風景嘅露天溫泉：阿蘇廣場酒店
阿蘇廣場酒店可以欣賞到阿蘇嘅美景。酒店有一個露天浴池「峰望之湯」，可以一邊浸溫泉一邊欣賞阿蘇山脈同田園風景。
酒店內有Café、室外游泳池、日本庭園、紀念品店等。仲有一間名為「熊本熊」嘅獨特客房。
用餐方便，可以享用使以阿蘇同熊本當地食材製作嘅料理，早餐係自助餐、晚餐則提供套餐。
酒店資訊
- 名稱：阿蘇廣場酒店 Aso Plaza Hotel
- 地址：熊本縣阿蘇市内牧1287
- 交通方式：JR阿蘇駅乘搭免費接駁車約15分鐘
- Wi-Fi：酒店全館提供免費Wi-Fi
- 各國語言對應：英文
- 可否使用信用卡：可以
以大自然為主題：阿蘇農莊酒店
阿蘇農莊酒店位於以健康為主題嘅公園「阿蘇農莊」入面。最大特色係客房都係圓頂形狀嘅獨立小屋。房內無柱、具有開放感嘅空間，仲可以從圓形天窗抬頭仰望阿蘇嘅星空。另外，客房依據裝潢主題分為「鄉村區」「皇家區」「夢幻區」等唔同風格。如果使用溫泉同室內景點「大自然阿蘇健康之森」，有一部分客房會提供住宿，如果想住宿嘅話，請提前向酒店確認。
酒店資訊
- 名稱：阿蘇農莊酒店 Aso Farm Village
- 地址：熊本縣阿蘇郡南阿蘇村河陽5579-3
- 交通方式：從JR肥後本線「赤水站」搭的士約7分鐘
- Wi-Fi：酒店大廳提供免費Wi-Fi
- 各國語言對應：英文
- 可否使用信用卡：可以
Comments