坐落於富士山嘅二合目嘅富士山滑雪場Yeti，可以近距離眺望著眼前嘅富士山絕景，享受雙板滑雪、單板滑雪等各種滑雪嘅樂趣。
關於富士山滑雪場Yeti
富士山滑雪場Yeti分為A~D四個滑雪場。擁有各種難易度唔同嘅雪道，適合初學到高階各種程度嘅滑雪愛好者。當中A滑雪場係日本最早開放嘅主滑雪雪道。由於設置咗人工造雪機，每年通常喺10月中旬開始就可以滑雪。
富士山滑雪場Yeti必玩項目
嚟到富士山滑雪場Yeti，可以享受各種雪上活動，例如雙板滑雪、單板滑雪等等。當中一定要去參加一下「PICA WILD BASE fujisan」區域所舉辦嘅雪上活動。喺呢度可以體驗小型雪地電單車及雪地橡膠船，雪地電單車會拉著橡膠船喺雪地上奔馳滑行。而且，滑雪場預計仲會導入更多新嘅活動設施，可以隨時留意一下！
富士山滑雪場Yeti開放營業時間
富士山滑雪場Yeti嘅冬季雪季喺10月中旬~4月初開放。但係10月只開放A滑雪場，其他滑雪場將喺12月以後陸續開放。而營業時間為平日朝早9點至晚上10點，星期六日紅日則係朝早8點至夜晚10點。夜間營業從每日下午3點半開始，以星期六為主嘅通宵營業會開放至第二日朝早8點。
富士山滑雪場Yeti入場票價及裝備租借費用
富士山滑雪場Yeti採入場購票制。1日券（成人）為平日3,500円、六日及假日為4,000円，夜間票價及通宵票價為2,500円。另外會提供租借滑雪器材及裝備，所以兩手空空過嚟都無問題。另外要注意嘅係手套、雪鏡等小型道具無法租借，不過可以喺商店內購買。
另外，票價同租借費用嘅資訊為2019年4月目前所提供嘅資料。最新資訊請留意官方網站公布嘅內容。
從東京前往富士山滑雪場Yeti嘅交通方式
前往富士山滑雪場Yeti最便利嘅方式就係報名新宿出發嘅當日來回滑雪團。1日入場券及直達巴士嘅車票套票販售價格為7,300円〜7,800円，非常划算（2019年4月所提供嘅資料）。
景點資訊
- 景點名稱：富士山滑雪場（ Fujiyama Snow Resort Yeti）
- 地址：靜岡縣裾野市須山字藤原2428
- 交通方式：從新宿站乘搭直達巴士約150分鐘
Comments