黑川溫泉鄉位於阿蘇山北邊，係一個自然豐富、泉水優質嘅溫泉勝地。喺呢座小小嘅山中小鎮，可以享受日本嘅鄉村，度過輕鬆嘅時光。本文將為大家介紹黑川溫泉嘅相關旅遊資訊。
關於黑川溫泉
融入大自然中嘅黑川溫泉鄉日式旅館
黑川溫泉鄉係一個自然資源豐富嘅村莊。有30間小旅館，由一個整體一致嘅大旅館經營。每間旅館外觀都好似一間獨立嘅房間。以呢種整體經營嘅思維，推出咗「入湯手形」活動，一張「入湯手形」可以任揀3間旅館去浸露天溫泉。黑川溫泉鄉嘅28個露天浴池，提供三種溫泉。 此外，仲可以將用杉木做成嘅「入湯手形」帶返屋企當作紀念。
如畫嘅風景
「黑川溫泉」係一個溫泉度假勝地，喺各間日式旅館協力合作之下，創造出一個街景和諧嘅溫泉小鎮。將雜亂無章嘅看板拆除，改用整齊、風格一致嘅招牌。樹木亦經過修剪整理，可以喺宜人嘅風景中浸溫泉同散步。另外，冬天嘅夜晚會點亮大約300盞燈籠。係一個全年都風景如畫嘅溫泉鄉。
有個性嘅旅館
黑川溫泉鄉有好多充滿個性嘅旅館同酒店。例如，泉源從地底下直接流進泉池嘅溫泉酒店；提供多種溫泉浴池嘅旅館；有岩盤浴、溫泉熱水池嘅旅館等。另外仲有附設酒吧嘅酒店，可以飲到「幻之燒酌」、雞尾酒等，推薦俾想同時享受溫泉同品酒嘅人。如果想要喺黑川溫泉享受充實愉快嘅住宿體驗，建議check多幾間旅館資料再決定啦。
除咗溫泉，仲有好多旅遊魅力嘅黑川溫泉鄉
豐富嘅美食
黑川溫泉亦係一個美食之鄉。無論係阿蘇名物「赤牛牛排」、熊本特產馬肉料理，溫泉巡禮途中會想食嘅雪糕等，都好受歡迎。另外，仲推薦聞名全日本嘅阿蘇甜點－泡芙、使用阿蘇嘅紅毛乳牛「ジャージー」牛奶做成嘅布丁。
必看景點
風景如畫嘅黑川溫泉有好多知名觀光景點，「丸鈴橋」係旅遊必拍嘅景點之一。另外，從「平野台高原展望所」（戀人之丘）可以眺望阿蘇外輪山等壯觀景色。位於小國町，望落去非常夢幻嘅「鍋之瀧瀑布（鍋ヶ滝）」都係非常推薦嘅景點。
如何前往黑川溫泉呢？
從熊本站出發前往黑川溫泉，可以從車窗欣賞出面嘅自然美景。如果乘搭鐵路，從肥後大津轉乘並喺阿蘇車站落車，需再乘搭當地巴士以及乘車前往抵達，一共需要轉3次車。另一方面，乘搭九州橫斷巴士可以從熊本站直達黑川溫泉。兩個方法都需要大約3個鐘。
景點資訊
- 名稱：黑川温泉
- 地址：熊本縣阿蘇郡南小國町黑川
- 交通方式：從熊本站乘搭開往黑川溫泉嘅直通巴士「九州橫斷巴士」，車程約3小時；從熊本站乘搭「JR豐肥本線」約40分鐘到肥後大津站，從肥後大津站轉乘「やまびこ号」約53分鐘到阿蘇站，再轉搭「產交巴士」約53分鐘，於南小國町役場前站落車，車程約10分鐘。
Comments