富士山呢座日本最高嘅山，橫跨山梨縣同靜岡縣。一共有四條登山路線可以抵達標高3,776米嘅山頂。喺富士山山頂所欣賞嘅日出（ご来光）以及繞行山頂火山口一圈嘅「お鉢巡り」，都係征服呢座山頭嘅登山者先至能夠體驗嘅難得經驗。
登山口及登山路線
富士山四條登山路線，分別為吉田、須走、御殿場以及富士宮。最經典嘅一條係從山梨出發嘅「吉田路線」。從東京大阪方面前往吉田路線嘅交通方便，同時登山路徑嘅難度相較之下比較容易，沿路設置咗好多山小屋，係一條有人氣嘅路線。
另外，高階登山好手可以嘗試靜岡方面嘅「御殿場路線」。呢條路線離山頂嘅距離最長，同時具有相當程度嘅標高差，係頗具挑戰性嘅一條路線。呢條路線從東京可以乘搭高速巴士前往。
富士山登山季節
富士山登山季節，每年通常喺7~9月上旬左右。僅2個月嘅時間開放登山，呢個時期積雪最少，相較之下比較安全。登山路線之一嘅吉田路線每年喺7月1日左右開始，而其他三條路線則係喺7月10日左右開放通行。
登山計劃
富士山為超過標高3,700米嘅高山，登山嘅時候需要規劃充足。當從山頂落山，建議最少停留一個晚上，令身體適應高山氣候，隨時作適當休息穩扎穩打比較妥當。另外建議住宿喺五合目以上嘅山小屋。
相反，當日來回或者以一個晚上登頂為目標嘅行為，會增添受傷以及高山症發作嘅風險，最好唔好咁做啦！
爬富士山之必要裝備
爬富士山最適當嘅裝備就係「背囊、登山鞋、帽、方便穿脫嘅上衣、長褲、外套」。而越接近山頂，溫度就會越低，所以保暖防寒嘅衫都係必備。同時，仲必須攜帶其他裝備，例如雨褸、頭燈、零錢、垃圾袋、地圖、水以及糧食。另外如果有耳塞、暖包、太陽眼鏡嘅話，就有備無患啦！
為安全登上富士山
為安全地爬上富士山，最重要嘅係遵守規則及禮儀。登山嘅時候請讓上山嘅人先行。無論係等待，或攀登嘅時候，想超越其他人都可能會偏離登山路線嘅指引，所以絕對禁止。另外，為咗預防落石，絕對唔可以用手破壞熔岩。同時為咗維持富士山嘅環境整潔，請務必遵守「唔好亂拋垃圾，請攜帶回家；唔隨意塗鴉；乾淨使用公共設施」等各項規則。
景點資訊
- 景點名稱：富士山（吉田路線入口）
- 地址：山梨縣富士吉田市上吉田
- 地址：富士急大月線「富士山站」或富士急河口湖線「河口湖站」乘搭巴士至富士Subaru Line五合目約60分鐘
Comments