位於宮城縣石卷市嘅石之森萬畫館，係一個以該縣出身、因《幪面超人》、《人造人009》等而聞名嘅漫畫家「石之森章太郎」作品為主題嘅博物館。館內除咗展示石之森章太郎嘅作品外，仲有上映石之森作品嘅影視廳、體驗動畫製作嘅工作室，就算無睇過石之森漫畫嘅人都可以樂在其中。
關於石之森萬畫館
石之森萬畫館於2001年開館，係用漫畫振興城市嘅設施。博物館係一個巨大飛碟式嘅白色建築，並以漫畫家－石之森章太郎先生嘅原始提案為基礎嚟設計。
一樓係紀念品店同石之森章太郎嘅生平年表，二樓係常設展同特別展覽室，三樓係學習體驗區。參觀全館，可以令你更了解漫畫嘅各種可能性、同埋漫畫創作嘅樂趣。此外，博物館所在嘅中瀨地區被稱為「Mangattan」，因其位於河川中央嘅一處沙洲上，其形狀類似於紐約曼哈頓島嘅地形。所以石之森萬畫館嘅英文名稱寫法係「ISHINOMAKI MANGATTAN MUSEUM」。
關於石之森章太郎
石之森章太郎於1938年喺宮城縣登米郡中田町（現登米市）出生。代表作為《人造人009》、《幪面超人》等造成轟動嘅作品。另外，石之森章太郎仲使用模型同電腦繪製圖像，拍攝製作一般攝影技術無法實現嘅影像作品，活躍領域擴及「特效」同動畫嘅世界。石之森章太郎被健力士世界紀錄認定為「世界上獨力著作並出版漫畫數量最多」嘅人。
石之森萬畫館嘅特色
館內有好多同石之森先生作品相關嘅模型同場景，二樓有「人造人009的世界」和「幪面超人的世界」。喺「人造人009嘅世界」中，會有實際識郁、識講嘢嘅角色模型，甚至002會從你頭頂飛過添。而喺「幪面超人的世界」中，可以睇到歷代所有幪面超人嘅面具。
三樓嘅「漫畫圖書館」，展示咗漫畫家嘅原稿，仲可以體驗動畫製作。喺「BLUE ZONE」咖啡店入面就可以一邊欣賞日和山同北上川嘅風景，一邊品嘗以漫畫特展為主題嘅餐點啦！
石之森萬畫館交通方式
從JR仙台站搭乘JR仙石線，約1小時20分鐘，於JR石卷站落車後，步行約15分鐘。或者，如果搭仙石東北線（高速），到JR石島站只需要54分鐘。如果搭高速巴士，從「仙台站前高速巴士站」（第21號巴士站牌）到石卷約70分鐘，於「石卷站前」巴士站落車後，步行約12分鐘。
景點資訊
- 名稱：石之森萬畫館 (石ノ森萬画館)
- 地址：〒986-0823 宮城縣石卷市中瀨2−7
- 門票：常設展＋特別展 成人800円、中學生500円、小學生200円、小學生以下免費
- ※門票包含：1樓影視廳、2樓（常設展室＋特別展室）
- ※特別展覽更換期間，只有常設展開放。展示更換期間的門票為成人600円、中學生400円、小學生200円。
- 開館時間: 3～11月 09:00～18:30 (售票時間17:30截止)、12～2月09:00～17:00（售票時間16:30截止）
- 休館日：3～11月 每月第3個星期二；12～2月 每星期二(如遇日本公眾假期則隔日休館)；日本黃金周期間；夏季休館（7月下旬～8月25日）；冬季及元旦無休。
（ｃ）石森プロ、（ｃ）石森プロ・東映
Comments