「御殿場路線」係從御殿場口新五合目出發嘅登山道，位於富士山嘅東南方，隸屬於靜岡縣境內。喺所有嘅富士山登山道當中，被認為係難度最高嘅路線。由於可能會遇見變化多端嘅景致以及下山道嘅「大沙走」...等自然景觀，對於登山上級者嚟講非常有人氣。
御殿場路線嘅特徵
包含御殿場路線在內，富士山登山道全部一共4條路線。其中御殿場路線嘅海拔高低落差大、而且距離較長。起點嘅登山口標高約1,400公里，山頂嘅標高為2,250公里，來回步行距離約19.5公里。對於有登山經驗嘅人嚟講，係一條可以嘗試挑戰一下嘅路線，不過對細路仔或者係體力較弱嘅人嚟講，可能較為困難。而且途中嘅休息區同洗手間數量少，必須喺事先做好嚴密嘅登山計劃。不過亦因為登山客人數比其他路線少嘅緣故，可以慢慢欣賞沿途景致。
登山之前，先以新五合目為目標啦！
喺前往御殿場路線嘅登山口之前，先以新五合目為目標啦！從山腳沿著「富士Skyline」開始，徒步約60分鐘可抵達。同時，富士Skyline沿途風景秀麗，而富士山同寶永山就矗立於眼前，非常適合遊車河。每年4月底至5月頭約有將近1,000株櫻花盛開，10月左右被楓葉染成一片紅，非常美麗。
為咗令身體狀態適應高山氣候同氣壓，抵達新五合目之後，可以小休一下。喺呢度可以眺望雲海同南阿爾卑斯山嘅景色，喺販賣部買杯飲品、零食，或者喺餐廳食一餐，為你嘅旅途做好準備。從新五合目出發後到下一個休息區，約須4-5個鐘左右嘅路程，唔好唔記得喺之前去一下洗手間先啦！
如何前往御殿場路線登山口呢？
你可以租車自駕或乘搭巴士，前往御殿場路線登山口所在嘅新五合目。自駕嘅話，可以從御殿場市區嘅租車點開始，經由富士Skyline前往新五合目。乘搭巴士嘅話，可以喺JR御殿場站乘搭登山巴士前往，車程所需時間約30分鐘，票價為1,100円。
景點資訊
- 景點名稱：富士山 御殿場路線（富士山御殿場新五合目）
- 地址：静岡県御殿場市中畑西沢2110-10
- 交通方式：自JR御殿場站開車或搭巴士，車程約30-40分鐘
Comments