亞洲最大規模食品・飲料展覽會「東京國際食品展（FOODEX JAPAN）」，上個月喺千葉縣舉行。FUN! JAPAN團隊都潛入採訪，喺採訪途中，發現可以令嘢食變得有趣吸引嘅食物藝術商品。可愛到覺得唔推薦俾大家都唔得呀！所以就精心挑選咗3項最正嘅商品介紹俾大家，一齊嚟睇吓啦有幾得意啦！
BEST３：將多士當成畫板 能讓多士出現圖案嘅多士藝術
我諗好多人早餐都有食過多士啦，淨係塗忌廉或果Jam？定豐富啲加埋火腿，蛋，蕃茄等等做公司三文治？未夠未夠，而家「多士藝術」帶動新興熱潮，只要將紙型放喺麵包上，再拎去焗，就會出現可愛圖案嘅多士喇。係咪淨係睇都夠唒好玩先？！
卡通角色、熊貓、愛心形狀或表情符號等有各種圖案，卡通圖案將於4月上市。喺伊藤洋華堂等零售店同東急HANDS等專門店可以買得到。卡通角色商品未稅售價為360円，其他商品為未稅300円。
BEST２：食得到嘅食物藝術。蛋黃哥生動呈現你眼前？
只要喺食物上放上用澱粉做嘅圖案貼片，可愛嘅食物藝術就完成囉。相信小朋友見到一定會超開心！都好適合喺特別日子用佢嚟製作小驚喜啊！無論係咩食材都可以賦予佢可愛嘅圖案同表情喎。
文字、表情、卡通角色等種類多樣，同樣都可以喺伊藤洋華堂等零售店同東急HANDS等專門店買得到。卡通角色商品未稅售價為460円，其他商品為未稅300円。
BEST１：無咖啡因嘅「猫珈」 貓貓話你知點樣美味地品嚐咖啡
三毛貓、八字貓同虎斑貓居然喺度飲咖啡！？超可愛嘅包裝令人移唔開視線。相信愛貓人士一定會好鍾意！而且，銷售額嘅一部分會捐俾公益組織嘅動物基金添。無咖啡因嘅咖啡，孕婦都可以安心品嚐呀。
唔鍾意熱飲嘅朋友，推薦你買凍飲都好好味嘅哥倫比亞咖啡，想飲甜啲嘅人可以揀Mocha咖啡，要像重啲苦味嘅人咁就一定要試吓巴西咖啡喇。另外，仲有包裝係招財貓嘅黑豆與紅米咖啡添。
「猫珈」嘅咖啡採濾掛式包裝令你無論去到邊度都可以飲到美味咖啡。除此之外，仲推出印有飲咖啡貓咪包裝嘅白朱古力，邊飲咖啡邊食朱古力真係絕配。而家喺日本全國嘅Bleu Bleuet雜貨店都可以買得到喇。單包含稅售價194円，5包裝為780円，送禮自用兩相宜。
想普通嘅食材多啲變化，令每日餐桌上多啲花樣，係咪好正呢！下次有機會去日本旅行時就要買返屋企喇！
Comments