「東京國際食品展(FOODEX JAPAN)」係每年喺日本登場嘅亞洲地區最大規模食品、飲料專門博覽會。係獲得最新流行趨勢同最新商品情報嘅絕佳時機。呢次，FUN! JAPAN團隊有幸參與呢場盛會，喺會場上發現有機會成為新寵兒嘅商品。下面就同大家介紹FUN! JAPA團隊嚴選嘅推薦商品啦。
關西．京都地區手信：京都黃金藥味「抹茶．桑茶金磚蛋糕(financier)」
「抹茶・桑茶費南雪」是為了訪日客所開發出的桑茶口味蛋糕。利用新鮮桑葉製成，據說有抑制血糖的效果。是款有機會顛覆京都等於抹茶的嶄新甜點。1盒6個裝，建議零售未稅價格為2,100日圓。今後，會以京都市為主陸續在各種通路販售。
關東．橫濱地區手信：VANILLAVEANS「Tablette Chocolat」
源自橫濱嘅VANILLAVEANS，從單一味產嘅巧克力品種到風味巧克力，推出約20到30種板狀朱古力。每個唔同包裝入面都有唔同味道，俾人一種高級嘅感覺。睇到咁多款靚靚包裝紙真係好令人心大心細唔知揀邊款好呀！！每一款口味嘅朱古力含稅價648円，可喺VANILLAVEANS嘅港未來店、橫濱店、鎌倉店購入。
東北・山形地區手信：SUN&LIV「山形代表」
蘋果、啤梨、車厘子、蜜桃等，使用山形產水果所製成嘅100%果汁，特徵係外觀包裝可一目了然得知係咩口味嘅果汁，此外亦可品嚐到水果既有嘅美味。五罐禮物包裝含稅售價為976円等，可喺山形縣內購入。
四國．愛媛地區手信：畑田本舗「Barysan之烤朱古力」
小雞造型「Barysan」係愛媛縣今治市嘅吉祥物。造型做成Barysan嘅形狀，係橙味朱古力餅乾。形狀可愛到會令人唔捨得食呀，就連包裝都超級可愛，賞心悅目。1盒有6個裝(含稅648円)同12個裝(含稅1,296円)，喺愛媛縣、香川縣等地都買得到。
四國．岡山地區手信：山方永壽堂「吉備團子」
講起岡山縣，最出名嘅手信就係「吉備團子」。以桃太郎故事嘅設計概念，一打開桃子盒就會跳出小小桃太郎，跟住就會睇到狗、猴子同野雞包裝嘅吉備團子。可愛嘅個別包裝，攜帶方便，食起嚟都容易。從5顆裝(含稅280円)到30顆裝(含稅1,350円)都有，可以喺岡山縣內購買得到。
關東‧千葉地區手信：日本Sana「Oriental Fruits Tea」
「Oriental Fruits Tea」同普通水果茶唔同，添加咗深受女性喜愛嘅「和漢植物精華」所萃取嘅水果乾同香草。而且相當方便，只要沖熱水，即刻就可以飲到美味嘅水果茶，而且真係飲到同食到水果乾㗎。
口味共有3種，黃色包裝內包含芒果同哈密瓜等、藍色包裝富含藍莓同黑加侖子等、而紅色包裝入面嘅係蘋果同草莓等。而且不含咖啡因，小孩都可以安心飲用。各個口味含稅售價1,620円，可以喺東急HANDS千葉店買到。
文章所介紹嘅商品，都係唔去當地都買唔到㗎。可以講係當地限定品。下次有機會去上述地區時，請買嚟試吓啦！
Comments