北海道・釧路濕原係日本最大嘅濕原！推薦觀光景點同休閒場所

釧路濕原位於北海道釧路，係日本最大嘅濕原。呢度嘅規模究竟有幾大呢？自然景觀都係點嘅呢？今次小編就要推薦呢度嘅觀光景點同休閒場所俾大家！

關於北海道・釧路濕原

釧路濕原嘅面積

橫跨北海道嘅釧路市・標茶町、鶴居村、釧路町4個町村嘅釧路濕原。

面積約1萬8000公頃，指定為釧路濕原國立公園嘅面積則有約2萬8000公頃，壯麗嘅大自然景觀延綿。

生活喺釧路濕原嘅動物同植物

喺釧路濕原約有700種植物同大約1300種嘅生物生活緊。其中最具代表性嘅生物就係丹頂鶴，一度面臨滅絕危機但喺保護活動之下，而家有數千隻丹頂鶴喺呢度棲息，冬季好大機會可以睇到佢哋嘅身影。

可以欣賞釧路濕原景色嘅4個觀光景點同休閒場所

1. 釧路市濕原展望台

位於釧路濕原西側嘅展望台，設有餐廳同資料館等設施。從3樓嘅展望台同屋頂可以瞭望全景，釧路濕原一覽無遺。展望台以外嘅設施僅喺營業時間內開放。

景點資訊

• 名稱：釧路市濕原展望台
• 地址：北海道釧路市北斗6-11
• 交通方式：JR釧路站乘搭阿寒巴士鶴居線車程約30分鐘、從釧路機場開車約18分鐘
• 營業時間：
• 5月～10月：8:30～18:00
• 11月～4月：9:00～17:00

2. 溫根內木道

約3公里嘅遊步道約1個鐘可以行完嘅「溫根內木道」。從溫根內遊客中心筆直通往蘆葦・薹草濕原，可漫步其中欣賞濕原同四季變遷嘅大自然景色。

景點資訊

• 名稱：溫根內木道
• 地址：北海道阿寒郡鶴居村溫根內
• 交通方式：釧路站前乘搭阿寒巴士車程40分鐘、溫根內遊客中心落車後徒步約3分鐘

3. 搭划艇遊釧路濕原

提到釧路濕原嘅體驗活動，推薦釧路川嘅搭船遊河。從塘路湖到細岡嘅路線行程，搭划艇遊河嘅時間約2個鐘。從官網可線上預約（網頁僅以日文顯示）。

景點資訊

• 名稱：元村HOUSE PAL LAKE SIDE TORO
• 地址：北海道川上郡標茶町塘路原野北8線73番地
• 交通方式：JR釧網本線塘路站行路約10分鐘
• 官方網站：http://www.shitsugen.com/

4. 觀光列車「釧路濕原慢車號」

沿著釧路川行駛嘅觀光列車「釧路濕原慢車號」係連結釧路站同師走站嘅釧路本線其中一部分嘅區間行駛。乘搭緩行列車，一邊從車窗欣賞廣闊雄偉嘅濕原景色，一邊感動於大自然之美！

景點資訊

• 名稱：釧路濕原慢車號（Kushiro Shitsugen Norokko Train）
• 地址：085-0000 北海道釧路市JR釧網本線釧路站
• 交通方式：從丹頂釧路機場乘搭阿寒巴士約30分鐘

釧路濕原嘅餐廳

此外，喺釧路市濕原展望台設施內嘅餐廳「休憩所 休息一下」，可以品嘗到北海道當地美食。尤其係使用北海道牛奶製成嘅濃郁雪糕，簡直稱得上係絕品。有機會嘅話一定要喺呢度稍作休憩，喺大自然當中品嘗美味嘅甜品！

景點資訊

• 名稱：釧路市濕原展望台「休憩所 休息一下」
• 地址：北海道釧路市北斗6-11
• 交通方式：從釧路站乘搭巴士約30分鐘

造訪釧路濕原時嘅推薦住宿旅館

沿著釧路川畔興建、擁有絕佳地理位置嘅旅館「天然溫泉幣舞之湯 LA VISTA釧路川」。有著天然溫泉嘅大浴場、以及可享用北海道當地特產嘅早餐自助餐廳，係相當受歡迎嘅人氣旅館。從靠海側嘅客房可欣賞到夕陽美景，亦係吸引人嘅招牌特色。

景點資訊

• 名稱：天然溫泉幣舞之湯 LA VISTA釧路川
• 地址：北海道釧路市北大通2-1
• 交通方式：從JR釧路站行路約9分鐘。從釧路機場乘搭機場接駁巴士，喺「釧路漁人碼頭MOO」落車後行路約2分鐘抵達

造訪釧路濕原嘅最佳季節

釧路濕原嘅觀光季節係喺4月下旬〜9月期間。特別喺6月〜7月綠意盎然嘅樹木花草欣欣向榮，係造訪旅遊嘅最佳季節。如果要欣賞丹頂鶴嘅身影，推薦喺1月〜3月造訪，只係氣候相當寒冷，唔好唔記得做好防寒保暖對策。

從釧路濕原到機場嘅交通方式

乘搭阿寒巴士從釧路市到丹頂釧路機場，車程約45分鐘。若要從機場直接前往釧路濕原，只可以乘搭的士或自駕前往。要欣賞釧路濕原景色，建議乘搭前述觀光列車「釧路濕原慢車號」！