喺自己屋企用微波爐當然就無問題啦。但一去到外國，就完全唔同唒。微波爐上面可能會有複數你可能從來無見過嘅掣。而且只係加熱食物都可能搞得好大陣仗，簡直係難以置信。想搞清楚啲掣分別有啲乜功能，一於就嚟睇一吓以下圖中呢部微波爐啦。
掣嘅種類及功能
最基本會用到嘅掣係「あたためスタート」（開始加熱）。由於呢個掣擺喺正中間又特別大粒，明顯特別重要。而識呢兩個生字「あたため」（加熱）同「スタート」（開始）就最好。喺其他嘅微波爐型號，你可能會發現只寫有「スタート」（開始）嘅字眼。只需要撳呢個掣微波爐就會自動開啟內置嘅傳感器。加熱食物然後喺適當嘅時候自動停止。
除咗開始嘅掣，仲細分6種選項俾你揀選，咁就可以準確預測加熱食物嘅所需時間。
1. 牛奶 (Milk)
2. 蔬菜 (Vegetables)
3. 根菜 (Root vegetables) 煮熟嘅蔬菜 (Boiled vegetables)
4. 炸物 (Crispy fry)
5. 忌廉焗菜 (Gratin)
6. 蛋糕 (Cake)
7. 西多士 (Toast)
8. 冷凍麵條 (Frozen noodles)
就咁睇，仲有焗蛋糕同西多士嘅掣嘅？咁係因為一部分嘅微波爐仲帶焗爐嘅功能。雖然唔同品牌同型號嘅選項都會略有不同，認清楚以上嘅字咁就可以避免撳錯掣啦。
揀選時間
大部分嘅掣都係用嚟加熱食物，而且都內置咗傳感器，喺適當嘅時候會自動停止加熱。當然，都可以自己調整時間。喺呢種情況，需要先撳「手動」嘅掣，跟住再揀選所需嘅加熱時間。有10分鐘，1分鐘同10秒嘅選項。
其他嘅掣
想解凍冷藏食品，需先撳「生解凍」嘅掣。然後再撳解凍時間：每100g 1分鐘或每10g 10秒鐘。
仲可以撳微波爐上面嘅「仕上がり／温度」（完成/溫度）。咁就可以簡單調校微波爐嘅電功率同溫度啦。
「脱臭」嘅掣係用嚟幫微波爐除臭。最後，「とりけし」（停止）係用嚟停止加熱操作。
當你去日本嘅食品雜貨鋪環繞一圈，你會發現各式各樣可以簡單速食例如一包包嘅咖喱，各式各樣嘅冷凍食品，便當，同已經調製而成嘅食物只需要叮一叮就OK。如果你好鐘意食串燒，炸肉餅，炸雞肯定會令到你流唒口水。而且，日本嘅食品雜貨鋪價錢經濟實惠。雖然遊客通常比較興去便利店，喺門口或者係櫃檯會放置微波爐俾你叮埋食物，但比起一般嘅食品雜貨鋪，價錢就一啲都唔平啦。
有咗以上嘅知識，以後喺日本想食宵夜或者係想快啲整到嘢食出嚟就唔洗怕啦！仲省埋錢㖭你話正唔正吖嗱！
Comments