★日本旅行贈獎活動花絮★東北地區推薦賞雪3大景點

大家都睇咗日本旅行贈獎活動.東北地區之旅相關嘅facebook post嗎?2月18號至2月22號FUN! JAPAN團隊帶咗6國得獎者去到東北賞雪呀!今次,就同大家介紹FUN! JAPAN精選東北地區青森縣、宮城縣、山形縣嘅3處賞雪景點啦!

1. 冬季限定!去青森搭「暖爐列車」體驗雪國風情

冬季限定!去青森搭「暖爐列車」體驗雪國風情

呢次大家一齊搭嘅係津輕鐵道嘅「暖爐列車」,係喺積雪極深嘅雪國青森縣內行駛。

冬季限定!去青森搭「暖爐列車」體驗雪國風情

「暖爐列車」內有販賣魷魚同各種手信,如果買咗魷魚,就會有工作人員即場為你烤魷魚!

景點資訊

  • 景點名稱:暖爐列車(津輕五所川原站)
  • 地址:青森縣五所川原市字大町39
  • 運行期間:12月1日〜隔年3月31日
  • 運行時間:每天3班(但12月平日與12月1日為每日2班,僅星期六日與日本公眾假期為1日3班)

2. 去宮城縣.仙台嘅代表性觀光景點「瑞鳳殿」!

去宮城縣.仙台嘅代表性觀光景點「瑞鳳殿」!

「瑞鳳殿」係仙台市嘅代表性觀光景點,所以都有好多人去拜訪。快啲跟著小編嚟睇吓點樣過去啦~

仙台站內設置觸碰式地圖 貼心話你知點去該景點

仙台站內設置觸碰式地圖 貼心話你知點去該景點

仙台車站2樓設置大型觸碰式地圖資訊,螢幕地圖上列出各個景點,只要點想去嘅地方,畫面右邊就會話你知點樣去。

瑞鳳殿

瑞鳳殿

瑞鳳殿建造於1637年,係知名戰國武將之一‧伊達政宗嘅陵墓。正前方可以見到「涅槃門」,從呢道門嘅側邊就可以進入瑞鳳殿內。

瑞鳳殿

瑞鳳殿亦有提供語音導覽,所以逐漸都有好多嚟自海外嘅遊客前來拜訪。

瑞鳳殿

已經可以見到瑞鳳殿嘅外觀喇。喺參拜殿前嘅係「唐門」。

瑞鳳殿

去到瑞鳳殿,真係覺得相當漂亮,好感動!被一片大自然包圍嘅瑞鳳殿,春天可以賞梅,秋天可以賞楓,每到賞花時期仲會有點燈等活動,每個季節都有唔同風情。

景點資訊:

  • 景點名稱:瑞鳳殿
  • 地址:宮城縣仙台市青葉區靈屋下23-2
  • 交通方式:JR「仙台站」搭巴士於「瑞鳳殿前」落車後,步行約10分鐘/ 地下鐵‧東西線「大町西公園站」落車後,步行約15分~20分鐘
  • 門票:成人・大學生550円/ 高中生400円/ 初中生‧小學生200円
  • 開放時間:2月1日~11月30日9:00~16:30/12月1日~1月31日9:00~16:00
  • 休息日:12月31日

3. 雪怪來襲!山形藏王奇幻美景.樹冰點燈

雪怪來襲!山形藏王奇幻美景.樹冰點燈

講起冬天,喺山形好出名嘅有藏王樹冰!到達藏王纜車終點站就可以欣賞到樹冰嘅英勇姿態,相信一定會令你不斷舉起相機,停唔到手!樹冰透過色彩繽紛嘅點燈照明,令現場飄散著奇幻嘅氛圍!彷彿身處於夢幻世界中。

景點資訊

  • 景點名稱:藏王樹冰點燈
  • 地址:山形縣山形市藏王溫泉229-3
  • 期間:每年12月下旬至3月上旬 17:00~21:00(最後出發時間為19:50) 詳細日期請參閱官網
  • 來回車資:成人2,800円/ 孩童1,400円
  • 官網:http://zaoropeway.co.jp/cn/

目錄

Survey[問卷調查] 關於日本旅遊







Recommend