「姆明主題樂園」3/16埼玉正式開幕！售票＆看點大公開

姆明主題樂園，開幕倒數計時！

終於！！！日本從幾年前就宣布之後會誕生一座大型「姆明主題樂園」，而舊年更確定咗喺2019年正式開幕…開幕日期亦進入倒數階段喇，3月16號當日就可以入去呢個日本首個「姆明主題樂園」啦～（撒花）

官方宣布呢次除咗一般入園門票，仲有部分設施係額外付費嘅，包括咗飛行鬼的滑索冒險、海之管弦樂團號、姆明房屋導覽...等等。

「滑索冒險」係戶外遊樂活動，唔單止具有刺激性、仲可以欣賞到宮澤湖嘅美景。「海之管弦樂團號」則係類似劇場嘅體驗設施，最後「姆明房屋導覽」就係帶你參觀還原度超高嘅姆明屋企！

仲有邊啲係必玩嘅呢？就係好啱影相嘅「水中小屋」、「燈塔」嘅夢幻造景，仲有大型戶外劇場都等緊大家到訪呀。

想買嘢嘅話呢度嘅周邊商品設施都好齊全，有可以令你狂買嘅世界級姆明商店，同埋北歐風格嘅餐廳，真係可以玩一整日啊！！！（已激動）

身為姆明忠實fans，點可以錯過呢個期待已久嘅「姆明主題樂園」呢？3月16號正式開幕後，絕對會掀起一陣朝聖潮，更多詳細資料同更新請隨時留意官網，大家一齊倒數期待吓啦～

source: metsa