支笏湖係位於北海道千歲市嘅淡水湖。位於支笏洞爺國立公園，係日本最北端嘅不凍湖。呢個區域有三家酒店可以俯瞰支笏湖，四季都可以入住。
創業於1915年嘅丸駒溫泉旅館
丸駒溫泉旅館提供各式當地菜餚，包括著名嘅豪華支笏湖美食，以及內陸種紅鮭嘅姬鳟料理。加上一點調味後，就能夠以魚生或燻烤嘅形式品嚐呢啲食材嘅的原味。自助式早餐每日供應新鮮出爐嘅麵包。一邊欣賞窗外支笏湖嘅景觀，一邊喺旅館內享受優雅嘅早晨時光。
酒店資訊
名稱: 丸駒溫泉旅館 (Marukoma Onsen Ryokan)
- 地址: 北海道千歲市幌美內7號
- 交通: 從新千歳機場乘搭巴士，車程約54分鐘；從JR千歲站乘搭巴士，車程約44分鐘；從支芴湖巴士站乘搭接駁車，約15分鐘車程，需事先於旅館官網預約接駁車(僅限入住旅客)。
湖邊景觀別墅酒店翠明閣 (Lakeside Villa Suimeikaku)
抵達「湖邊景觀別墅酒店翠明閣」之後，你可以喺附有壁爐嘅休息室享用免費迎賓飲品。提供私人使用嘅戶外露天浴池，可以睇倒雄偉嘅支笏湖景觀。翠明閣總共只有8個房間。入住豪華雙人房嘅客人，可以透過浴室大窗戶欣賞支笏湖嘅景色。同時，獨特嘅和洋混合風房間融合咗日本同西方元素，從房間嘅各個角度都可以眺望倒支笏湖。何不入住翠明閣，欣賞從早到晚每分每秒變化萬千嘅支笏湖景色，為你嘅旅程留下美好回憶呢？
酒店資訊
- 名稱: 湖邊景觀別墅酒店翠明閣 (Lakeside Villa Suimeikaku)
- 地址: 北海道千歲市支笏湖溫泉
- 交通: 從新千歲機場乘搭巴士約55分鐘，於支笏湖畔巴士總站（支笏湖畔バスターミナル）落車後步行5分鐘即達；從JR千歲站乘搭巴士約45分鐘，於支笏湖畔巴士總站（支笏湖畔バスターミナル）落車後步行5分鐘即達
度假村支笏湖 (Kyukamura Shikotsuko)
入住「度假村支笏湖」，可以享受優質天然溫泉，呢個係好多女士嘅最愛。夏季可以喺戶外露營。提供戶外烹飪用具同食材，讓你可以舒適咁渡過時光。 喺呢個渡假村，支笏湖嘅景色近在眼前，另一邊係著名嘅惠庭山，可以欣賞夕陽美景，留下最美好嘅回憶。對於露營新手嚟講，呢個係非常適合嘅地方！
酒店資訊
- 名稱: 度假村支笏湖 (Kyukamura Shikotsuko)
- 地址: 北海道千歳市支笏湖温泉
- 交通: 從JR札幌站乘坐開往支笏湖嘅北海道中央巴士，車程約1小時20分，於終點(支笏湖巴士停車站)落車後乘坐接駁巴士約5分鐘。※從札幌站運行嘅巴士營業期間為六月到十月；從JR千歲站乘坐開往支笏湖嘅北海道中央巴士，車程約44分鐘，於終點(支笏湖巴士停車站)落車後乘坐接駁巴士約5分鐘。
Comments