「寄木細工」係一種將各種天然木材重新拼合成圖樣嘅技術。擁有大約200年歷史，係箱根特產嘅傳統工藝品。有縞，市松等等日本傳統紋樣。根據工匠手法唔同，風格上會有微妙差異。喺外國人觀光客當中非常受歡迎。配合唔同用途會有唔同形狀同大小。今次我哋就為大家介紹使用箱根寄木細工技術製成嘅秘密箱，其背景歷史以及開箱方法！
秘密箱背景歷史
「秘密箱」嘅表面同裏面都施加咗巧妙之處，需要幾個步驟先至可以開到箱。據聞係19世紀末，居住於箱根嘅工匠名人大川隆五郎所構思，目的係將寶石以及金錢等等貴重物品收藏好。
喺箱根製作而成嘅秘密箱，表面以箱根嘅傳統工藝手法「寄木（拼木）」製作而成。透過使用豐富色彩嘅木材，將木拼合成花紋。咁樣嘅話就可以成功將木頭縫隙遮住。
據聞喺大正時代，日本仲有向歐米等等國家輸出秘密箱。然而現今，識得製作傳統秘密箱嘅工匠已經越來越少。
秘密箱開箱方法
只要滑動秘密箱隔離塊板就可以打開。但滑動嘅方向同順序都非常講究，如果唔知訣竅就永遠都打開唔到個盒。每個盒需要滑動嘅次數都唔同，分為4次，7次，10次，12次等等。第一次開箱嘅人會從上下左右反復試開箱。另外，工匠為咗令木板可以順利滑動，會一塊一塊反複調整。
由於木材會根據環境濕度同氣候而有所變化，手感非常重要。需要滑開嘅次數越多代表難度越高，價錢方面亦較貴。其中甚至有需要操作72次嘅秘密箱。
花紋，形狀，顏色風格各式各樣！
有細至可以擺放喺手心嘅小型秘密箱，亦有大至30cm嘅大型秘密箱。正因為係全手工製作，每一件作品嘅花紋，顏色風格等等都係獨一無二。秘密箱種類豐富，例如印有富士山圖案，形狀特別嘅三角形，附有抽屜等等。價錢由2000円到超過10000円不等，箱嘅尺寸越大亦或係開箱需要嘅次數越多，價錢就會越高。
今次為大家介紹嘅秘密箱，全部都係箱根町「丸山物産」販賣嘅箱根寄木細工。附設英文網站，有興趣嘅人快啲嚟check下啦！
Comments