「日本將棋（将棋）」嘅棋一共有8種，共40粒。係一種只要令對方嘅「將軍（王将）」困住就代表勝出嘅棋類遊戲。只要有「棋盤（盤）」同「棋（駒）」，去到邊度都可以下棋，自古以來都好受日本人喜愛。喺2016年，當時仲係中學生嘅藤井聰太（14歲）刷新史上最年輕職業棋士記錄，受到大眾矚目，令對日本將棋產生興趣嘅小朋友同年輕人增加咗唔少。今次，小編就要為大家介紹日本將棋嘅歷史以及玩法！
日本將棋起源
日本將棋幾時傳入，雖然無準確嘅時間日期，起源目前都有好幾種說法。而當中最有力嘅說法，日本將棋係由古印度嘅恰圖蘭卡（Chaturanga）演變而嚟，其後傳遍歐洲同亞洲各地，向自發展成中國嘅象棋，西方國家嘅西洋棋，而日本就叫做日本將棋，各自有自己嘅規則。日本將棋嘅傳入路線有兩種講法。一種係從印度傳入中國，再經由朝鮮半島傳入日本；另一種從印度傳入東南亞國家，再傳入日本。
日本將棋以平安時代嘅「平安將棋」為原型。喺江戶時代，幕府設置咗將棋所，令將棋之風推向極盛。
「日本將棋聯盟」於1947年創立。不但設置將棋教室，舉行講座，仲會舉辦龍王戰，名人戰，叡王戰等等8種頭銜挑戰賽俾職業棋士參加。最近仲流行網上將棋。對於年輕人嚟講唔再係一個陌生嘅消遣遊戲。
日本現今擁有大約200名嘅職業棋士。要成為職業棋士，首先需要進入日本將棋聯盟經營嘅養成所「獎勵會」，由6級，5級，4級…三段咁升上去，只要到達三段，就可以參加每年舉辦2次嘅三段循環賽，獲得前2名嘅棋士就可以晉升為四段棋士。而四段以上嘅就被稱為職業棋士，擁有參與8種挑戰賽嘅參賽資格。
將棋嘅基本玩法
1）在由81格組成嘅「將棋盤」上決勝負
將棋盤係由9×9=81個格仔嘅棋盤所組成。靠近自己嘅3排叫做「自陣」、而靠近對方嘅3排叫做「敵陣」。
2）將棋（駒）一共有8種，合計20粒
將棋包含王將 (亦被稱為玉將)1粒 ，飛車 (飛)1粒 ，角行 (角)1粒，金將 (金)2粒，銀將 (銀)2粒，桂馬 (桂)2粒，香車 (香)2粒，歩兵 (歩)9粒，共8種類，合計20粒。雙方輪流下棋，先將對方嘅王將拿下嘅一方勝出。
3）將棋遊戲一開始嘅位置
開局時，每一粒將棋都有佢特定嘅位置（參考上方圖）。由長輩或將棋老師從將棋箱取出將棋盤，再於棋盤上將將棋放置好，由後輩或學生將「王將」放置好為禮儀。
4）將棋僅有4種移動方法
基本動作分別為「移進（進む）」、「吃棋（取る）」、「升變（成る）」、「打入（打つ）」4種。每種棋嘅走法都根據種類而有所不同(請看5嘅解說)、首先需要記熟每一粒棋嘅走法。
進む（移進）・・・任何一粒棋都可以移進。有分為可以一次過大幅移動嘅棋，或者係可以跨越其他棋嘅棋，同埋可以向前移動但唔可以退後嘅棋等等。
取る（吃棋）・・・喺自己嘅棋可移動嘅範圍內，如果有對方嘅棋喺度，就可以取替，前進原本擺放咗對方棋嘅位置，反之亦然。而食咗嘅棋可以當作自己嘅棋使用。
打つ（打入）・・・使用自己持有嘅棋叫做「打入」，只可以打入無擺放棋嘅位置。
成る（升變）・・・當任何一方嘅棋打入敵陣嘅話，就可以將棋嘅階級提升，改變走法。另外，從敵陣離開嗰陣都可以升變。
5）各棋都有規定嘅走法！
8種棋都有規定嘅走法，等我哋嚟睇睇其中幾個例子。
王将（王將）・・・可以縱向・橫向・斜角方位全方向行走1格。棋嘅背面空白一片，代表唔可以升變。王將係將棋遊戲入面最重要嘅一粒棋，王將如果無法再前進就代表輸。
飛車・・・只要係縱向或橫向移動嘅話可以行走任意距離，但唔可以跨越其他棋。升變嘅話會變成「竜（龍王）」，每局可以斜角方位移動1格。
角行 (角)・・・只要係斜角方位移動嘅話可以行走任意距離，但唔可以跨越其他棋。升變嘅話會變成「馬」，每局可以縱向或橫向移動1格。
6）只要令敵陣嘅王將困斃就代表勝出！
只要令敵陣嘅王將無法移動嘅話就代表勝出。如何將王將困住就係一門技巧。
玩將棋嘅必備能力
玩將棋嘅必備能力係「預知能力」。首先需要諗應該擺邊一隻棋喺邊一個位，跟住要諗埋對方嘅走法，再諗埋自己跟住落嚟嘅走法,,,,,,事先諗好之後嘅3步棋係勝出嘅秘訣。尤其係打到去中局最激烈嘅時候，唔止要預想好未來3步，仲要預想埋任何一種行走方法。
因為可以訓練預知能力同邏輯思維嘅將棋最近人氣大增。大家得閒嗰陣請一定要挑戰一下！木製將棋盤同將棋較為高級，而塑膠或合成樹脂製成嘅較為平價。後者套裝價格大概2000～3000円。而方便隨身攜帶嘅小型版本就只需要1000円左右就入到手！
Comments