利尻島位於北海道西北部。你或者仲未知道，北海道人氣手信「白色戀人(白い恋人)餅乾包裝上嘅背景圖像就係利尻島嘅「利尻山」。一個以雪山及滑雪而聞名嘅島嶼，呢個島上嘅主要美食有昆布、海膽及其他海鮮。利尻島面積為182.11平方公里，島上約有36間酒店。一齊嚟睇吓利尻島有邊啲推薦酒店啦！
利尻島酒店
利尻富士溫泉 膳食公寓RERA MOSIR (Maruzen Pension Rera Mosir)
喺「利尻富士溫泉 膳食公寓RERA MOSIR」(Maruzen Pension Rera Mosir)，你可以隨住海浪嘅聲音入睡。呢度係一個價格合理嘅住宿地點，客房面積雖然唔大，但大部分都可以俾你欣賞倒美麗海景。酒店名字中嘅Pension，指嘅係招待所，而唔係養老金嘅意思。裡面有一個露天陽台區，可以喺外面用餐，仲有一個附桌椅嘅簡單用餐區。
酒店工作人員亦非常友善，提供嘅食物均採用新鮮海產食材烹調而成。酒店可因應客人要求提供接駁服務。有提供免費往返碼頭嘅接駁車服務，但必須事先預約。
住喺呢度每晚約9,750円，包含早餐及晚餐。有西式及日式客房。
酒店資訊
- 名稱: 利尻富士溫泉 膳食公寓RERA MOSIR (Maruzen Pension Rera Mosir)
- 地址: 北海道利尻郡利尻富士町鴛泊榮町227-5
- 交通: 從「鴛泊港碼頭」乘車約8分鐘即可抵達
利尻富士觀光酒店 (Rishiri Fuji Kanko Hotel)
利尻富士觀光酒店裡面，有一部分可能睇落有啲過時，其實係因為佢保留復古風格。入面非常乾淨，加上維護良好。此酒店嘅最佳優點為交通便利及有美食提供。從酒店可以輕鬆步行到Peshi岬觀景台。攀登到Peshi岬頂部大約需要10分鐘，可以睇到令人驚嘆嘅景色。
兩人入住呢間酒店可能需要花費29,460円，包括內容豐富嘅套餐，一定能滿足你胃口。包括haskap葡萄酒、蒸蟹、改善皮膚狀況嘅膠原蛋白鍋及其他菜餚。
酒店資訊
- 名稱: 利尻富士觀光酒店 (Rishiri Fuji Kanko Hotel)
- 地址: 北海道利尻郡利尻富士町鴛泊字港町194-2
- 交通: 距離「鴛泊港碼頭」有2分鐘步行路程，距離「利尻機場」則有5分鐘車程。
利尻島嶼酒店 (Island Inn Rishiri)
「利尻島嶼酒店」為一家三星級酒店，鄰近市區，擁有55間客房。酒店提供免費自助早餐，距離沓形碼頭好近，為理想住宿之所。酒店有提供免費無線網絡、往返機場或渡輪碼頭之接駁服務。
利尻島嶼酒店有親切嘅服務人員、溫泉設施、兩種室內游泳池及一個露天溫泉。仲有日用品，如剃鬍刀與毛巾。
呢間酒店嘅餐點為豪華自助餐，供應豐富昂貴嘅海鮮。入住呢間酒店費用可能高達40,000円，但考慮其服務、食物及舒適度，確實值得。利尻山距離酒店僅有6.3公里。
酒店資訊
- 名稱: 利尻島嶼酒店 (Island Inn Rishiri)
- 地址: 北海道利尻郡利尻町沓形字富士見町30
- 交通: 從利尻機場乘搭巴士約20分鐘於沓形巴士總站落車，徒步約8分鐘或乘搭的士約3分鐘
Comments