日本冬天有各式各樣嘅燈飾，此外teamLab喺東京台場同豐洲設咗兩個聞名嘅光之藝術展覽，最近亦喺metsä village自然公園嘅宮澤湖都舉辦咗個名為「teamLab 森林與湖泊的光之祭典」嘅「Digitized Nature」藝術項目。
teamLab「Digitized Nature」嘅概念
「teamLab 森林與湖泊的光之祭典」以Digitized Nature，即「自然保持自然的姿態成為藝術」為概念，運用數位技術，喺唔破壞自然嘅情況下，以自然本體嚟創作藝術。所以唔係將藝術放喺大自然當中，而係將大自然塑造成為藝術嘅一部份。呢個藝術項目由2018年12月1號至2019年3月3號舉行。喺宮澤湖同森林呢個大自然世界中，將人同光嘅互動變成數位藝術空間。咁白天享受完metsä village嘅悠閒時光，夜晚睇埋燈飾就完美渡過呢個浪漫假日啦。
嘆下午茶迎接「光之祭典」
「teamLab 森林與湖泊的光之祭典」嘅門票由2點開始發售，由5點半正式開始，因為5點半後會劃分收費區域，所以建議影完歐洲風嘅相，划完獨木舟之後去餐廳食個下午茶或者cafe買杯咖啡，喺落地玻璃嘅室內餐廳或者露天茶座欣賞著日落美景等「光之祭典」嘅來臨！！
顏色繽紛多變，氣球與自然嘅夢幻組合
「teamLab 森林與湖泊的光之祭典」中有不同大小嘅顏色氣球圍繞著整個宮澤湖，播放嘅音樂同顏色氣球順著時間產生變化，所以唔會淨係睇到同一種顏色，影出嚟嘅每張相都會唔同。而由入口影過去湖對面五光十色嘅燈光配合樹木同湖畔拼埋一齊就好似一幅畫咁，真係靚到好夢幻！
行到中間仲有一堆蛋型氣球，時不時隨著音樂轉換顏色，每一個氣球都係獨立個體散發光芒，不斷變化，但拼埋一齊就好似睇緊一場由顏色燈光同音樂合作帶出活力嘅表演。有興趣可以融入其中一齊影相。
另一邊仲有圓碌碌嘅氣球，感覺更可愛！
可以互動嘅光芒
小編覺得最好玩嘅就係推一推佢就會變色同變音樂。人同顏色光芒嘅互動就好似連自己都可以參與到喺呢場表演當中。
「teamLab 森林與湖泊的光之祭典」係一個可以俾你欣賞到光學與自然融合嘅一場燈飾。非常適合喺冬日嘅夜晚去欣賞呢種浪漫。
景點資訊
- 名稱: teamLab 森林與湖泊的光之祭典
- 地址: 埼玉縣飯能市宮澤327-6 metsä
- 展示期間: 2018.12.01 (六) - 2019.3.03 (日)
- 開放時間:
12月1日（六）～ 2月11日（一）：17:30～21:00（20:00最後入場）
2月12日（二）～3月3日（日）：18:00～21:00（20:00最後入場） - 入場費: (14:00開始售票)
大人（中學生或以上） 平日：1,000円 星期六日及公眾假期：1,200円
小童（4歳以上及小學生） 平日：500円 星期六日及公眾假期：600円
3歳或以下幼童免費
※2018年12月29日（六）～ 2019年1月6日（日）以星期六日及公眾假期價錢收費 - 交通方法:
西武池袋線「飯能站」北口1號巴士站乘搭「metsä(メッツァ)直達巴士」或 「metsä(メッツァ)經武蔵高萩站巴士」，於metsä(メッツァ)巴士站落車
JR八高線「東飯能站」東口2號巴士站乘搭「metsä(メッツァ)直達巴士」，於metsä(メッツァ)巴士站落車。（僅限星期六日及日本公眾假期運行）
Comments