變成KANAHEI畫風嘅寵物小精靈實在係太Q萌啦～呆呆嘅樣好想啺返啖♡
最近寵物小精靈嘅相關商品真係多到數唔曬～從手遊到扭蛋應有盡有，想必粉絲應該都度過咗幸福嘅一年啦？年末將近，寵物小精靈仲係唔放過大家嘅銀包！無錯，今日小編又要嚟介紹新品啦～快啲一齊嚟睇睇啦♡
唔知道大家仲記唔記得之前造成粉絲瘋狂「寵物小精靈 × KANAHEI」系列扭蛋？無錯，比卡超同其他寵物小精靈都變成咗呆呆嘅KANAHEI啦！今次廠商更加係直接開大絕，將佢哋通通變成周邊商品～你睇睇呢個畫風，係唔係好療癒呢？
首先當然唔可以錯過超KAWAII嘅公仔～係唔係喺比卡超同伊貝身上睇到兔仔嘅影子呢？尤其係嗰個表情，實在係太犯規啦！（好想請日本朋友幫我將佢哋帶曬返屋企XD）
除咗只能夠擺放喺屋企嘅大公仔，當然仲唔少得可以隨身掛喺包包上面嘅小吊飾～奇異種子、小火龍同車厘龜都被呆萌化咗啦！（小編覺得小火龍咧嘴笑笑嘅樣好傻XD）
跟住落嚟仲有非常實用嘅小毛巾同大浴巾～浴巾款太引誘啦，一次可以收集曬咁多寵物小精靈唔買點得？！
仲有仲有，飯袋同銀包仔都唔可以錯過！實用嘅嘢最正，買咗都唔會俾阿媽鬧XD
最後要送上嘅係粉Q玻璃杯同手機殼～比卡超同伊貝嘅組合實在係太誘人！用咁可愛嘅杯裝嘅水應該都會好飲啲嘅？
今次嘅商品實在係太多～有興趣嘅話可以上Pokemon.Jp睇睇！商品已經喺12/15開賣，有睇到鐘意嘅快啲搵下代購啦♡
source：Pokemon.Jp
© 妞新聞 www.niusnews.com
Comments