喺風景秀麗嘅宮島，充滿好多美食餐廳，包括令人垂涎嘅海鮮同香脆嘅天婦羅。呢個島正式名稱為嚴島，俗稱為宮島，係一個「神社島」，島上到處都係歷史悠久嘅著名景點，所以亦被稱為神明之島。受到大海環繞嘅宮島，島上餐廳每日都供應新鮮多汁嘅蠔，仲有廣島風味嘅菜餚，例如廣島燒等。
牡蠣老店：Yakigaki No Hayashi
當地人都知道嘅蠔老店「Yakigaki No Hayashi」，供應新鮮嘅廣島蠔，可以以各種料理方式享用美食，從生食、油炸、燒，甚至加喺蕎麥麵同烏冬入面都得。當你行到去餐廳嗰陣，可以睇到水缸入面嘅新鮮蠔，燒蠔嘅香味令人食欲大開。餐廳仲供應其他傳統嘅當地日本料理，並提供英文菜單。營業時間為上午10:00至下午5:00，早午晚都可以食用。
店鋪資訊
- 名稱: Yakigaki No Hayashi (焼がきのはやし)
- 地址: 廣島縣廿日市市宮島町505-1
- 交通方式: 從宮島口棧橋步行7分鐘
廣島燒：Daruma No Hasshou
如果想嘗試一啲傳統嘅日本當地美食同新鮮蠔，「Daruma No Hasshou」就係你嘅最佳選擇。呢間餐廳以廣島風味嘅御好燒聞名，量多、新鮮多汁嘅蠔放喺御好燒上，的確係一個好搭嘅組合，新鮮多汁嘅蠔、優質嘅肉、雞蛋同日式炒麵呈現出最完美嘅香氣、味道同口感。御好燒喺熱鐵板上製作，可以保到溫。餐廳位於翻修後嘅古老建築物入面，適合家庭用餐，擁有現代日式氛圍。營業時間為上午10:30至晚上8:00。
店鋪資訊
- 名稱: Daruma No Hasshou (だるまの八昌)
- 地址: 廣島縣廿日市市宮島町久保町278
- 交通方式: 從宮島口棧橋步行15分鐘；從嚴島神社步行5分鐘
居酒屋：Mame-tanuki
當夜幕降臨，大部分商店都閂門，只有「Mame-tanuki」餐廳嘅燈依然亮住，熱情嘅餐廳員工喺門口迎接客人。為你提供正宗嘅居酒屋氛圍，有各式下酒菜。雖然餐廳係居酒屋風格，但亦有炸蠔和同鰻魚飯。營業時間為上午11:00至下午3:00，晚餐為下午5:00至晚上11:00。
店鋪資訊
- 名稱: Mame-tanuki (まめたぬき)
- 地址: 廣島縣廿日市市宮島町1133錦水館
- 交通方式: 宮島口棧橋往嚴島神社方向步行5分鐘
Comments