千疊閣呢個名，指嘅係占地面積近「一千張榻榻米」嘅宮島豐國神社。呢個名字真係睇落去都感受到呢座神社建築嘅龐大規模。豐國神社位於嚴島神社隔離嘅山丘上，係一個非常值得取景影相嘅地方，因為可以同時影到兩個神社－嚴島神社同豐國神社，以近距離仰視角度獲得驚豔嘅構圖。
關於豐國神社(千疊閣)
豐國神社係為偉大嘅豐臣秀吉以及佢嘅忠實夥伴－加藤清正所建造，佢係16世紀日本嘅統治者之一。安國寺嘅佛教僧侣以及大名－安國寺惠瓊嘅一封信中提及，建造豐國神社嘅計畫包括千畳閣。千畳閣嘅主要建築始建於1587年，當時安國寺惠瓊要求負責宮島寺廟建造嘅大願寺，建造一個佛教圖書館，咁就可以每個月都舉行盛大嘅誦經活動。
千疊閣嘅遺憾
抵達千疊閣嘅大堂，會注意到有一種巨大嘅不完整感，因為建築物無主牆，因此風會從各個方向吹入嚟，日本神社大多數有一個非常宏偉嘅正面入口，但呢度就無。造成呢個原因係因為創建人豐臣秀吉喺神社開始建造嘅11年後就過世。之後，德川家康控制咗呢個地區，而唔係豐臣家族。所以建築物從未完工。
今日嘅千疊閣
一千張榻榻米大嘅房間係點嘅樣呢？ 豐國神社千疊閣而家係宮島上嘅熱門景點，好多人嚟呢度放鬆身心，仲有好多含當地特色嘅紀念品，例如牙籤同傳統風格嘅物品等。
千疊閣隔離嘅五重塔
呢座五層寶塔位於千疊閣隔離，於1407年建成、1533年重建。五重塔高27.6米，係一座融合和式同唐式風格嘅建築，木柱頂端同椽尾可以睇得出受中國唐氏風格嘅影響。五重塔嘅內部天花板上繪有龍嘅圖樣，外部天花板上有柏樹蔓藤花紋，前門牆上有蓮花池，後面則係有白色嘅觀音雕像。據聞呢度係唯一能抵禦地震同颱風嘅五重塔之一。
相關資訊
- 名稱：豐國神社(千疊閣)
- 地址：廣島縣廿日市市宮島町
- 交通方式：從宮島棧橋步行10分鐘
Comments