會津位於日本福島縣西部，擁有深厚嘅武士文化，充滿好多旅遊景點。若松市為主要城市，位於豬苗代湖嘅東部。
會津旅遊景點
會津有好多旅遊景點，一日遊一定行唔哂。喺會津若松市，到處都可以睇到會津嘅兩大主要特色－武家文化同清酒。
會津若松城
會津若松城係一座經過重建嘅日本城堡，曾經係德川幕府將軍嘅重要據點。
已有600幾年歷史嘅白色會津若松城，內部嘅天守閣規劃為鄉土博物館，展示咗當地嘅武家文化，仲有一個可以俯瞰城市嘅觀景台、以及可以飲到日本抹茶嘅茶室。
相關資訊
- 名稱: 會津若松城 (別名鶴城、黑川城)
- 地址: 福島縣會津若松市追手町1-1
- 交通方式: JR會津若松站乘搭巴士約10分鐘，於「鶴之城入口」或「鶴之城北口」落車即抵達
飯盛山
飯盛山位於會津西部，係會津一個重要嘅文化地標，係白虎隊十九名少年武士，因戰敗而集體切腹自殺嘅地方。
對於會津人嚟講，雖然係一場歷史悲劇，但呢度代表咗武士精神。
相關資訊
- 名稱: 飯盛山
- 地址: 福島縣會津若松市Ikkimachiyahata
- 交通方式: 乘搭會津循環巴士於「飯盛山下巴士站」落車即抵達
末廣釀酒廠
於末廣釀酒廠品嚐清酒。福島縣會津若松市嘅「末廣酒造」聞名全日本，具有清爽嘅甘甜口感，受到好多社會名流嘅喜愛，例如係日本首相安倍晉三嘅夫人。
如果你聽得明日文，可以參加30分鐘嘅釀酒廠導覽，試飲各式各樣嘅酒產品。
相關資訊
- 名稱: 末廣酒造株式會社 嘉永藏
- 地址: 福島縣會津若松市日新町12-38
- 交通方式: 從JR會津若松站徒步20分鐘；從JR只見線「七日町站」徒步8分鐘
於會津嘅溫泉旅館享受大自然
「大川莊」位於悠久歷史嘅溫泉鄉，係一間優雅嘅日式旅館，可以喺露天溫泉中盡情享受，周圍被美麗嘅山林溪谷景色環繞。
「大川莊」距離會津鐵道快速列車（AIZU Mount Express號）嘅「芦之牧溫泉」車站僅係幾分鐘嘅巴士車程。呢間日式旅館有一間供應懷石料理嘅餐廳，每日下午仲會有三味線演奏，旅館距離會津各景點都唔遠，係你度假嘅好去處。
相關資訊
- 名稱: 大川莊 (Ookawaso)
- 地址: 福島縣會津若松市大戶町大字蘆之牧字下平984
- 交通方式: 從「蘆之牧溫泉」站乘搭酒店免費接駁車，車程約5分鐘；從會津若松車站乘坐40分鐘巴士
品嚐會津嘅當地美食
由於當地豐饒嘅土壤同乾淨嘅水質，會津嘅食物非常好食。會津美食以湯類同蕎麥麵聞名，使用當地食材同水製作最精緻嘅菜餚。
會津美食通常會使用海鮮魚類同各種蔬菜。傳統鄉土湯品料理「Kozuyu」係會津嘅節慶、祭典、婚喪喜慶等重要場合中不可或缺嘅一道菜，以瑤柱熬高湯後，加入芋頭、紅蘿蔔、冬菇、蒟蒻等豐富材料，再用鹽同醬油調味。喺未有汽車同火車等運輸工具之前，當地缺乏新鮮魚類。所有魚類都係經過曬乾後，以馬匹運輸至當地。
會津地區拜水質優良之賜，製作出既美味又種類眾多嘅蕎麥麵。幾百年嚟都被視為日本蕎麥麵嘅故鄉。
會津若松站內嘅「一會庵」餐廳，可以品嚐到當地料理以及當地釀造嘅清酒。如果前往會津旅遊，或者只係經過都好，非常推薦順便去享用一下當地美食。
相關資訊
- 名稱: 一會庵 (Ichiean)
- 地址: 福島縣會津若鬆市驛前町 1-1
- 交通方式: JR會津若松站內
會津秋天嘅傳統祭典「會津祭」
每年嘅9月22日到24日，會津嘅秋天祭典「會津祭」於鶴城等地舉行。為咗紀念喺戊辰戰爭中，集體自殺嘅少年白虎隊成員，因此祭典嘅主要日期為白虎隊犧牲嘅個一日：23日，誤以為會津若松城被攻陷嘅日子。
「會津祭」中，喺鶴城周圍嘅街道上會有好多攤位，可以食到會津當地小食同其他美食。祭典中，可以睇到身著武士服裝嘅隊伍，浩浩蕩蕩喺市內遊行。
Comments