神戶中華街「南京町」，橫跨神戶市中央區嘅榮町通同元町，係日本三大中華街之一，林立多間餐廳同商店，販售小食、零食點心、食材、紀念品等，人潮經常將街道擠得水泄不通。中華街全年舉辦各種節日活動，例如春節、中秋節等。如果嚟到神戶，推薦一定要嚟中華街行下睇下！
歷史悠久嘅神戶中華街
中華街「南京町」據聞誕生於明治元年（1867年）神戶開港以後。中國清朝嘅一啲人開始喺神戶南京町周圍居住，開設咗商店同餐館，因此被稱為「南京町」，呢度係一個聚集咗好多中國人嘅區域。2018年，南京町慶祝成立150週年。而家嘅中華街有多間中餐館、中國食材店、中國雜貨店同紀念品店。當嚟到神戶中華街，一定會被香氣四溢嘅美食吸引。一於嚟品嚐下中式料理，例如菜肉包、餃子或其他美味佳餚。
相關資訊
- 名稱: 中華街 南京町
- 地址: 神戶市中央區元町通1丁目～2丁目
- 交通方式: JR元町站步行5分鐘
於中華街品嚐精心挑選嘅神戶牛
神戶牛肉專賣店「神戶牛鐵板燒牛排【榮吉】」位於中華街嘅南京町廣場隔離。店內共有50個座位，所有座位都可以欣賞廚師現場進行鐵板燒表演，令等候餐點嘅過程變得非常有趣。餐廳使用嘅神戶牛肉都經過嚴格認證，有品質保證，仲提供好多平時唔常見嘅牛肉部位。餐廳提供完整套餐，可以食到神戶牛嘅唔同部位，仲可以選擇加上鮑魚、鵝肝或龍蝦。午餐時段有價格合理嘅神戶牛同海鮮套餐。
相關資訊
- 名稱: 神戶牛鐵板燒牛排【榮吉】
- 地址: 兵庫縣神戶市中央區榮町通1丁目3-10
- 交通方式: JR元町站步行5分鐘
神戶中華街牛肉麵
中華街「神戶牛吉祥吉南京町店」嘅招牌菜「神戶牛肉拉麵」，湯頭係以神戶牛嘅牛骨頭熬製而成，非常濃厚，同特製拉麵相得益彰。 一份500円嘅拉麵包含牛筋同蔥。可以用合理價格品嚐神戶牛肉店鋪亦提供外賣自取服務。除咗拉麵，仲有小籠包同粽。
相關資訊
- 名稱: 神戶牛吉祥吉南京町店
- 地址: 兵庫縣神戶市中央區元町通2-1-14
- 交通方式: JR元町站步行3分鐘
神戶中華街營業時間
假日嘅中華街人潮非常多，平日比較無咁擠迫。喺午餐時間，知名嘅店家擠迫得水泄不通，建議可以避開用餐時間前往中華街參觀。中華街本身無固定嘅休息日，各間店鋪嘅營業時間有所不同。通常餐廳喺11:00或11:30左右開始營業，LAST ORDER為20:30。有一啲商店喺下午會作休息。部分商店平日晚上無營業，出發之前建議check一下店鋪嘅營業時間。一般商品店鋪嘅營業開始時間為10:00至11:00，閂門時間為19:00至20:00左右。
Comments