北海道嘅秋天通常喺9月中旬開始，比日本其他地區要嚟得早。人們期待睇倒樹葉變成美麗嘅紅色、橙色或金色。北海道有眾多山脈同公園，你可以欣賞倒壯麗嘅秋天美景。
北海道嘅秋天
天氣
十月，北海道進入真正嘅秋天，意味住整個島上到處充滿紅色與金色。呢個時候嘅天氣多數為晴朗，但喺九月份，有時候亦可以體驗倒一年中最大嘅降雨。
氣溫
隨住時序進入深秋，氣溫驟降。白天同黑夜嘅溫差好大。9月平均氣溫為18度左右，10月為12度，11月降至5度。
建議衣著
秋天時候北海道嘅天氣變得非常寒冷。尤其喺11月起會變得更加寒冷，溫度甚至會降到零下。請謹記要準備好保暖防寒嘅外套。
秋天邊個時間最適合去北海道
欣賞秋葉係主要旅遊重點，呢個季節前往北海道嘅最佳時間，取決於你想去嘅地方。例如，北海道中部紅葉季由10月初到10月下旬，而喺北海道北部就由9月中旬到10月中旬。
然而，最理想嘅參觀時間係10月中旬左右，因為整個地區嘅秋葉都達到咗頂峰。
秋天去北海道欣賞華麗金葉
有幾個地方一定要去睇吓令人難以置信嘅美麗秋葉：
大雪山國立公園
大雪山國立公園位於北海道中部，為北海道最大嘅國家公園，範圍包含多個山脈及多條登山道路，有各種野生動物棲息其中，仲有溫泉度假村。另外，大雪山國立公園以日本每年最早可見嘅秋天色彩而聞名。
探索呢個公園嘅最佳方法就係租車，因為公共交通工具好少。
景點資訊
- 名稱: 大雪山國立公園
- 地址: 北海道上川郡上川町層雲峽
- 交通: 大雪山國立公園主要入口為位於山脈東南端之旭岳纜車，以及西北端之層雲峽・黑岳纜車。
- 旭岳纜車：自旭川機場開車或乘搭井出湯號巴士(經由旭川機場・旭川站線)約1小時。從札幌則為3小時車程。
- 層雲峽・黑岳纜車：自旭川機場約1個半小時車程，自札幌市內則為3小時車程。若利用道北巴士，從旭川站約2小時，從JR石北本線上川站則約為30分鐘。
知床五湖
想去被大自然包圍嘅美麗湖泊及森林嗎？咁就一於去知床五湖吧。湖泊嘅玻璃表面倒映咗周圍五顏六色嘅樹木同山脈。 你可以沿住自然小徑漫步，欣賞秋天嘅色彩。
景點資訊
- 名稱: 知床五湖
- 地址: 北海道斜里郡斜里町遠音别村
- 交通: 從JR 知床斜里站乘搭斜里巴士約40分鐘
北海道秋季行程
以下係一些可以參加嘅秋季精彩活動，只會喺呢個美好季節舉行：
札幌秋季豐收節
札幌嘅秋天係豐收時節。札幌秋季豐收節每年舉辦三個星期，係迎接新季節來臨，並品嚐當地料理嘅一種慶祝方式。活動全天候舉行，匯集咗多種北海道美食，可以期待品嚐倒美味壽司、清酒及其他日本美食。
景點資訊
- 名稱: 大通公園
- 地址: 札幌市中央區大通西1～12丁目
- 交通: 地鐵南北線/東西線/東豐線「大通」站落車即達
富良野葡萄酒節
為咗慶祝用於生產富良野葡萄酒嘅葡萄豐收，呢個節慶為遊客提供咗品嚐精選葡萄酒嘅機會。仲可以品嚐多種美食，如瑞士芝士火鍋、南瓜餃子甚至芝士鬆餅。
更可以參加各種活動，如赤腳踩木桶入面嘅葡萄、橡木酒桶比賽等等。
日期: 每年9月初左右舉行
活動資訊
- 名稱: 富良野葡萄酒節(ふらのワインぶどう祭り)
- 地址: 北海道富良野市日の出町
- 交通: 從JR富良野站出來即達
Comments