北海道富良野嘅冬季活動

富良野係一個位於北海道中心嘅小鎮。以其春天完美壯觀嘅薰衣草花田而聞名，冬季亦有好多可以進行嘅活動，絕對可以滿足你嘅雪地體驗。

冬天嘅富良野

冬季溫度降至零下30度，讓你欣賞到真正嘅雪景，冬天每日朝早都會形成冰冷嘅結晶。富良野嘅農業同旅遊業發達，意味著當地餐館提供最新鮮嘅食物，以及完善嘅旅遊設施。

富良野冬季活動

富良野滑雪場

富良野到咗冬季，寒冷嘅西伯利亞北風吹過鄂霍次克海，吹起平均8米之高、世界上最輕嘅粉雪。呢度唔單止係世界級嘅滑雪勝地，仲曾舉辦多達10次FIS世界杯滑雪比賽，以及2次 FIS 滑雪板世界杯比賽，同時係一個保有傳統嘅日本城市，友善嘅當地人，向遊客提供相關旅遊服務。度假村有好多住宿選擇，包括滑雪場內嘅酒店、小屋同日式旅館。市中心距離滑雪場只係10分鐘路程，遊客可以輕鬆於當地閒逛。

相關資訊

• 名稱: 富良野滑雪場 Furano Ski Resort
  
• 地址: 北海道富良野市中御料
  
• 交通方式: 從富良野站乘搭巴士或的士，約10～20分鐘即可抵達
  

富良野狗拉雪橇

狗拉雪橇屬於世界上最浪漫、最唔容易操作嘅車之一。狗狗喺拉雪橇嘅時候，乘客會感覺到臉頰上嘅風，感受到同狗狗們之間嘅聯繫。第一次體驗嘅客人，教練會指導你如何操作雪橇車，當然狗仔都訓練有素。跳上雪橇，任務就交俾狗狗，帶你穿過被雪覆蓋嘅無盡白色森林，於大自然環境中奔馳。

富良野雪地健行

你可能試過登山，但你又有無嘗試過著住雪地靴喺雪地中健行呢？呢個絕對係一項值得一試嘅體驗。富良野提供客製化旅遊，以便可以按照自己嘅節奏於雪地健行。旅行套裝包括雪鞋或靴，現場會準備適合自己嘅健行裝備。

富良野冬季度假村 (富良野歡寒村 )

你可以喺富良野冬季度假村放鬆身心，體驗冬季零下30度嘅氣溫。一年一度嘅富良野歡寒村雪夜幻境，將於12月21日開始。呢度有好多景點，可以帶同仔女一齊遊玩，包括日本最長嘅滑雪管道，亦可以坐喺雪上橡皮艇上滑行201米、體驗雪地漂流同香蕉船，喺雪地上享受雪地摩托車等遊樂設施。

你亦好可能遇到一啲北海道嘅野生動物，如紅狐狸、黃鼠狼同白兔。喺疲憊嘅戶外活動之後，喺雪屋內放鬆身心，或者喺Snow Dome享受飲品，呢度係一個用雪塊建造嘅酒吧空間，可以品嚐用冰杯盛裝嘅飲品。同時亦可以喺村莊享受美妙嘅燈飾展。

相關資訊

• 名稱: 富良野歡寒村 Kan Kan Mura Village
  
• 地址: 北海道富良野市中御料(新富良野王子酒店對面)