北海道富良野嘅秋天

北海道富良野通常以夏天嘅風景聞名，但其實秋天都好正。富良野靠近大雪山國立公園，亦係最早落葉嘅地方之一。日本全國都有秋季紅葉可以欣賞，北海道亦係如此。富良野令人驚嘆嘅鄉村景觀同美景，令人彷彿以為來到唔同嘅國家。

富良野 - 美瑛秋季之旅

富良野同美瑛係可以感到濃濃秋意嘅地方。如果想好好放鬆，呢度係一個非常適合喺秋天前往旅遊嘅地方。

富良野同美瑛被認為擁有北海道最好嘅景觀之一。由於靠近北海道中部－大雪山山脈嘅範圍，可以從呢個地區睇到美麗嘅風景。

租一架車，或電單車，或者從美瑛或富良野站乘搭旅遊巴士出發，前往遊覽富良野同美瑛嘅美景。就算只係一日遊，都足以令你喺呢個區域享受秋天嘅樹葉。一於去美瑛白金溫泉嘅小鎮住上一晚，好好享受秋天嘅氛圍啦！

「全景之路」係連接富良野同美瑛町嘅道路，同時「拼布之路」位於美瑛町市中心東北部。兩地都有秀麗嘅鄉村景色。紅色同金色葉子嘅對比，襯托背景嘅藍天，絕對係值得一睇嘅景點。

另一個人氣景點係美瑛青池。距離美瑛町市中心以東不遠處，係唔可以錯過嘅景點。你問呢個池塘有咩特別之處？顧名思義，池塘嘅水面泛著青藍色，類似於綠松石般嘅顏色，池塘入面站立著枯死嘅落葉松樹幹。美瑛青池係喺1988年十勝嶽火山噴發後,為咗防止火山灰而修建嘅人工水壩。

白金溫泉小鎮位於美瑛白金溫泉嘅東南方。美瑛町嘅「白金溫泉」發源自活火山十勝岳，水富含氫氧化鋁，經陽光折射後，形成夢幻嘅青藍色。呢個地區周圍有多間酒店，如果秋天嚟到北海道旅遊嘅時候覺得有點寒冷，可以嚟呢個小鎮享受一下溫暖嘅天然溫泉。