名古屋市科學館

位於白川公園內嘅名古屋市科學館，擁有世界上最大嘅巨蛋天文館。鄰近名古屋市美術館同大須觀音商店街，如果你已經安排前往商店街嘅，咁就可以順便嚟呢度行一行。參觀科學館個個細路仔都肯定玩得開心！

名古屋市科學館有邊啲嘢好玩呢？

示意圖，僅供參考

名古屋市科學館裡入面有一啲大型展示可以俾你了解水嘅屬性，或者體驗雷聲嘅震撼，喺放電實驗室透過「特斯拉線圈」進行一次壯觀嘅放電展示。如果想睇下龍捲風嘅形成，喺龍捲風實驗室有一個高達9米嘅人工龍捲風。

喺極寒體驗房間，你將處嘅零下30度嘅環境。喺呢度可以睇到極光嘅幻覺，可以藉此了解深度凍結嘅狀態。學習自然知識，親身體驗就係最好嘅方式！

示意圖，僅供參考

名古屋市科學館嘅巨蛋天文館，外觀係一個巨型球體，喺名古屋好難唔受到矚目。喺天文館內，觀眾可以坐喺舒適嘅躺椅上觀看銀幕上投射嘅夜空。每個月放映嘅內容不一，每場播放長度大約50分鐘。

每個月會擇日喺下午6點半後，針對成人觀眾播放節目（門票700円），通常以日文播放，放映內容例如有七夕之夜，或者太空、星星以及太陽系相關嘅影片。科學館官網可以check到日文嘅放映時間表。但係，如果你好容易瞌眼瞓、聽唔明日文嘅話建議可以略過天文館。

展示室以及巨蛋天文館：成人800円；高中、大學生500円；中學生以下免費。

展示室：成人400円；高中、大學生200円；中學生以下免費。

如果有名古屋交通局當日嘅一日乘車券，喺入館嗰陣出示，門票減80円。（價格為720円）

9:30-17:00（16:30最後入館時間）。休館日: 星期一(咁啱係日本公眾假期嘅話則第二日作休息)、每月第三個星期五(咁啱係日本公眾假期嘅話則第二日作休息)、12月29日-1月3日。

地鐵東山線或鶴舞線伏見站落車，步行5分鐘。

地址: 名古屋市中區榮2-17-1