你有鐵道迷嘅朋友嗎？又或者你可能就係鐵道迷。鍾意收集火車模型嗎？如果你係上述任何一種，咁樣你就一定唔想錯過名古屋嘅磁浮列車鐵道館。本館鄰近名古屋LEGO樂園，距離名古屋車站亦唔遠。無論係火車迷，定係一般民眾，都可以享受呢個有趣迷人嘅鐵道館。
於名古屋磁浮列車鐵道館必做嘅5件事
1. 參觀39輛實體列車
館內有多達39輛實體列車，從一般鐵路列車到磁浮列車都包含其中，款式非常多樣。其中包括日本最大最快嘅蒸汽火車C62型、新幹線試驗電車955型、試驗新幹線(子彈列車)等。
2. 日本最大嘅鐵道立體透視模型
館內設有日本規模最大、精緻嘅鐵道立體透視模型，主題為「鐵道生活的一天」。模型真實重現月台與鐵道樣貌，甚至連人物、植物都做得非常精細。
3. 體驗磁浮列車模擬駕駛
館內可以體驗模擬駕駛磁浮列車，但要先經由抽選決定，抽中後再付費體驗。通常於開館後就開始進行模擬駕駛名額嘅抽選，每小時舉行一次，一日總共抽選六次。如果想參加駕駛模擬體驗，抵館後記得查看抽選時間表。
4. 了解鐵道發展嘅歷史
你將可以了解日本鐵道結構與發展歷史，例如鐵路技術發展，交通發展如何影響日本嘅經濟及生活方式。
5. 鐵道動力學習體驗室
於鐵道動力學習體驗室，可以透過親自手動操作，學習鐵道科學相關知識。
景點資訊
- 名稱: 磁浮列車鐵道館
- 開放時間: 10:00～17:30(最後入場17:00)。每逢週二休館(若為日本公眾假期則順延至翌日)。
- 門票: 成人1,000円、中小學生及高中生500円、兒童（3歲以上學齡前幼兒）200円。模擬操作需另外付費。
- 地址: 名古屋市港區金城埠頭3-2-2
- 交通: 於青波線「金城埠頭」站落車步行2分鐘
Comments