老建築注入新活力函館百年歷史「金森紅磚倉庫」

函館係北海道內首屈一指嘅觀光城市，1859年與橫濱、長崎一起作為日本最初嘅國際貿易港開港。因此帶動市區街道嘅繁榮，亦深受西方文化嘅影響，至今街上仲可以見到好多西洋風格嘅建築物。下面要介紹一直見證函館歷史點點滴滴嘅「金森紅磚倉庫」以及冬天喺倉庫周邊會舉辦嘅特色活動。

坐落喺海灣區域嘅函館代表性觀光景點「金森紅磚倉庫」

金森倉庫嘅創業者係24歲從長崎嚟到函館嘅渡邊雄四郎。1869年開設舶來品店，之後因各式各樣嘅事業興盛喺1887年展開倉庫業，曾因大火一度燒毀。於1988年全面翻修，目前有購物商場、啤酒主題餐廳、活動會場等。依然保留著昔日海運繁榮時期嘅面貌，已成為函館灣區域嘅象徵之一。

「金森紅磚倉庫」目前營業7棟設施，依照各個主題分成「函館歷史廣場」、「金森廳」、「金森洋物館」以及「BAY HAKODATE」。有整排餐飲店與土產、手信禮品店等。

當中，金森廳舉辦活動以外嘅時間只要事前聯絡，亦可參觀內部。另外仲有喺呢度先買倒嘅獨家商品，能感受當時憧憬西洋浪漫風嘅金森紅磚倉庫原創系列，有餅乾與牛奶糖等好多商品等住你帶返屋企喔。

冬天嘅金森紅磚倉庫前，會舉行「函館聖誕祭(Hakodate Christmas Fantasy)」活動。每年函館市嘅姊妹市・加拿大哈利法克斯市所贈送嘅聖誕樹，會飄洋過海橫越大約18,000公里嘅距離嚟到函館。呢個時候，函館港海上會漂浮住美麗聖誕樹嘅夢幻美景，已成為現今函館冬天嘅風情。

活動期間每日晚上6點左右會舉行點燈儀式，仲會放煙花。喺燈飾照亮之下嘅閃亮會場以及紅磚倉庫群，再配搭純白嘅雪，彷彿就喺夢中一樣，創造出奇幻般嘅世界。