支笏洞爺國立公園：洞爺湖與昭和新山

支笏洞爺國立公園裡最出名嘅就係「洞爺湖」同「昭和新山」。該國立公園以支笏湖及洞爺湖命名，兩者都係火山口湖，於火山活動後形成。另一方面，昭和新山為火山噴發後所形成。

關於北海道昭和新山

昭和新山係一座1943年12月到1945年9月期間噴發形成嘅活火山，海拔406.9米。佢原本面積唔大，但經過多年嘅火山噴發後，逐漸變得越來越壯觀！即使到咗今日，仍可以近距離睇倒山脈冒出嘅火山煙霧。

有珠山山頂係眺望呢座迷人山脈嘅最佳地點。如果天氣晴朗，甚至可以欣賞倒國立公園或太平洋嘅廣闊景色。

乘搭有珠山纜車上山，欣賞壯觀嘅景色吧！

名稱: 昭和新山・有珠山纜車
地址: 北海道有珠郡壯瞥町字昭和新山184-5
交通: 從JR洞爺站乘搭往洞爺湖溫泉方向嘅道南巴士，車程約15分鐘，於終點洞爺湖溫泉巴士站落車，再轉乘往昭和新山方向嘅道南巴士，車程約15分鐘，於終點站落車即達。 ※前往昭和新山嘅巴士，於冬季期間暫停服務。

作為洞爺湖有珠山世界地質公園嘅一部分，洞爺湖係一個擁有豐富自然景觀嘅地方。國立公園中可以欣賞倒美麗湖泊。另外，仲可以搭船遊湖。

該湖亦係2008年(平成20年)G8高峰會議嘅舉辦場地，世界八大工業國領導人聚集於洞爺溫莎度假酒店參與會議。

有一項與洞爺湖有關嘅趣聞，對於日本動漫《銀魂》迷而言，都知道男主角坂田銀時隨身攜帶一把刻有「洞爺湖」字樣嘅木刀。「洞爺湖」呢個名字亦出現喺銀魂漫畫中（特別是銀魂第19卷150話）。