利尻島係位於北海道西北端嘅一個圓形小島，「利尻」源自阿伊努語，意思為「高嘅島」。從稚內港出發，需要1個鐘40分鐘左右先至到達利尻島嘅港口（53公里）。
利尻島介紹
該島人口約六千人，位於利尻禮文佐呂別國立公園範圍內。島嘅中心係利尻火山，呢度係一個受歡迎嘅行山地方。
最適合觀賞美麗高山植物嘅月份為6月至8月。喺夏季，可以於觀看融雪嘅同時進行登山。喺九月嘅最後一個禮拜，甚至可以睇到山上嘅第一場雪！
利尻島觀光巴士
預訂利尻島嘅宗谷巴士觀光之旅，方便又省時間。 可以喺乘坐巴士嗰陣欣賞自然風光。利尻島有兩條路線：Ａ路線（3,300円）同B路線（3,100円）。第一條路線帶你前往宏偉嘅利尻富士町同附近地區，例如沼澤同天文台，第二條路線為參觀利尻嘅景點（跳過A路線嘅博物館）。B路線通常只會喺6月至8月底開放，而A路線只喺5月同6月某些日期開放，直到8月底。
由於巴士路線可能會根據季節月份而有所調整，請自行查詢一下宗谷巴士官方網站獲取最新訊息。
利尻島滑雪
你有無享受過幾乎無其他滑雪者嚟打擾嘅滑雪經驗呢？如果無，請唔好錯過利尻島上嘅滑雪體驗。滑雪季從2月下旬到3月上旬，但一直到四月份仍然可以滑雪。原因係喺冬末同春季，有比較多晴朗嘅日子。無論幾時前往利尻島，風都好強勁，可以喺背風嘅山谷享受滑雪。
除咗可以放心滑雪，最重要嘅係，從山谷兩邊仲可以欣賞到美麗嘅海景！
好多地方都無提供滑雪裝備出借，請務必喺前往滑雪之前租好相關嘅滑雪道具。
相關資訊
- 名稱: 利尻島
- 地址: 北海道利尻郡利尻町
- 交通方式: 從稚內港到利尻島約1個鐘40分鐘左右嘅船程。喺島上租車行動會比較輕鬆。但如果係獨自旅行，乘搭巴士或者租單車會比較實惠。
Comments