北海道嘅歷史名鎮「松前」

松前係北海道歷史悠久嘅小鎮，有日俄關係嘅歷史背景，主要係關於松前藩保護阿伊努族嘅貿易權，拒絕同俄國人交易，而幕府將軍唯一允許同俄國人交易嘅地方就係長崎。

關於松前

松前唔單止係一個非常正嘅賞櫻花景點，同京都寺町嘅氣氛都好相似，因而被稱為「北方嘅京都」。4月底到5月底，松前有好多地方可以賞櫻，吸引咗大批觀光客前往觀賞松前嘅萬棵櫻花。

松前嘅頭號景點係松前城（亦稱為福山城），位於城鎮中心。建於1606年，至今仍然係北海道唯一嘅日式城堡。

喺城堡附近種植咗超過250棵櫻花樹，甚至仲有小食攤，晚上有時候仲會有表演或燈飾活動，吸引遊客嘅目光。

大人嘅入場門票為360円，松前城開放時間為上午9點至下午5點。可以喺每年嘅4月10日至12月10日期間前往參觀。

如果有興趣了解呢啲櫻花樹，請喺櫻花季期間去松前公園內，城堡北邊嘅櫻花博物館啦。

當地特產應有盡有，例如用乾燥魷魚製成嘅松前風醬菜，以及鼓油調味嘅海帶，適合送飯或配麵食。

對於鐘意食甜食嘅人嚟講，一定要前往老舖和菓子店嘅「松前町」，呢度販賣各種當地甜品，例如做成松前城形狀、有滿滿紅豆餡嘅「最中」，名為「お城最中」。另外，柔軟嘅櫻花口味海綿忌廉蛋糕，係送俾屋企人同朋友一份超正嘅手信。根據前往旅遊嘅時間，店鋪亦會推出唔同嘅季節性甜點。