喺北海道寒冬享受「旭川之最」

旭川嘅冬季平均氣溫較低，可能會令旭川變得無聊。但呢個地方有繼札幌之後第二個大型冬季節目。有巨大嘅雪雕，參賽嘅人會爭相做出最好嘅冰雕，仲有夜間燈飾，各式冬季運動等，呢啲都足以吸引遊客們前往旭川旅遊。

冬季旭川旅遊可以玩啲咩

千里迢迢到咗旭川，淨係留一日可能會有啲趕，何不逗留至少2日？時間上都會比較充裕啲。有好多活動同觀光景點僅喺冬季開放。如果想浪漫啲，請喺冬季下午5點前去旭川市，因為行人道上會點亮數千盞燈飾。旭川市嘅燈飾喺12月開始持續到隔年3月初。

旭山動物園都會有雪燈，同旭川冬祭同時舉行。無論邊種方式，都能俾遊客睇到充滿冰燭嘅動物園，同觀察到動物們喺冬季生活嘅美好體驗。

旭川嘅其他地區都可以享受冬季運動，例如溜冰、滑雪仲有好多其他同雪有關嘅活動。呢啲活動地點分布於旭川市同旭山地區。

旭川冬祭被譽為北海道第二大冬季慶典，有最大型嘅雪雕展。為咗展現雪雕嘅雄偉，每年都有一個巨大嘅雪雕作為音樂或其他表演者嘅舞台，巨型雕塑嘅主題每年都會唔同。

該活動於下列兩個會場舉行。

旭橋會場係可以睇到巨大雪雕嘅地方。位於旭橋附近嘅石狩川河畔。其他展示可能每年都會有所不同，但通常會有小型雪雕、冰雪滑梯等遊樂設施同冰酒吧。開幕式同閉幕式都會喺呢度舉行。

平和通買物公園係一條商業步行街，冰雕比賽期間會展出好多冰雕作品。位於旭川站以北，長約1公里。可以從旭川站沿著平和通步行，欣賞沿路嘅美麗冰雕。

2019年旭川冬祭(旭川冬まつり)將於2月6日至11日舉行。

旭川冬季氣溫較低，平均零下1度到13度左右。一定要準備好冬季保暖服裝先去呀。由於可能會落好多雪，到戶外活動時，請穿著防滑防水靴或冬季鞋，就算人行道已除冰，地面都可能仲會好滑。

另外，亦要準備保暖襪、手套、頸巾同冷帽，最好係可以喺寒風中遮耳、鼻同口嘅。並且喺上衣入面著保暖衣，例如UNIQLO嘅HEATTECH。著曖啲就可以好好享受寒冷北海道冬日旅行啦！