喺渡假時，想將滿滿嘅回憶用影相去留念。但係，每張相入面著嘅衫都一樣…咁樣係唔係有點可惜呢。如果去GU血拚，就有各式各樣嘅衫可以襯，又可以挑戰一下平時唔多會著嘅花紋或顏色嘅連身裙，價錢又實惠，旅行期間嚟襯衫又方便呢。今次，就連渡假風服裝穿搭嘅預算都可以控制喺一萬日圓以下呀。
咩話?! 連身裙居然都唔超過1000日圓！？
- GU休閒連身裙 990日圓
- GU 雙帶涼鞋 990日圓
- ZARA 包包 2900日圓
- 單寧牛仔外套 2900日圓
藍色嘅休閒連身裙質料柔軟，著起嚟好舒服。擺落洗衣機洗都唔會起皺，非常方便。海洋風嘅花紋，喺有海有游泳池嘅渡假村度著，簡直係絕配呀。長度又夠長，條裙嘅設計著起嚟寬鬆舒適，著佢搭飛機都可以輕鬆舒服咁坐到成程啦。渡假結束之後，當做居家服著都唔錯呀。或者再挑戰一下搭配啲飾品小物，又可以繼續著出門啦。
搭返件短版嘅牛仔外套，城市風格都好OK
想再襯吓上半身穿搭時，長裙再加上長版牛仔褸睇起嚟會好俗，所以不妨試吓短版嘅衣物啦。再嚟，只需要換過款鞋同袋，咁樣著平時都出到門呀。
呢次介紹嘅內容，大家又覺得點吖？GU嘅服飾質料同設計都唔錯，而且價錢實惠，都好受歡迎㗎。嚟日本旅遊時揀返幾件，或許喺下一個渡假目的地都派上用場呢！！？？
Comments