位於北海道釧路，阿寒摩周國立公園係北海道最古老嘅兩個國家公園之一。成立於1934年，以美麗嘅阿寒湖、摩周湖以及屈斜路湖而聞名。與國立公園內其他湖泊相比，摩周湖據說係最清澈嘅湖泊，亦係世界上排名第二清澈嘅湖泊。等我哋一齊嚟仔細了解一下摩周湖吧！
摩周湖周邊地區
摩周湖係一個火山湖，周圍有三個觀景點。大約7000年前火山爆發後形成嘅凹槽，裡面充滿積雪同雨水，最後成為咗摩周湖。冬季嘅時候湖泊結冰，可以喺上面行走。
據說第一展望台與第三展望台係可以睇倒湖嘅正面，而裏摩周展望台就係可以睇倒湖嘅另外一面。以前曾經有第二展望台，但依家唔再使用。喺展望台觀看繁星點點嘅夜空亦係熱門活動。
你可以由第一展望台步行至3公里外嘅第三展望台，或開車前往。
裏摩周展望台位於湖嘅東北側，可以睇倒湖嘅背面，包括摩周岳及卡姆依修島（Kamuisshu）。跟第一及第三展望台相比，佢比較上無咁熱門，但風景同樣漂亮。
景點資訊
- 名稱: 摩周湖第一展望台
- 地址: 北海道川上郡弟子屈町弟子屈原野
- 開放時間: 08:00-17:00
景點資訊
- 名稱: 裏摩周展望台
- 地址: 北海道斜里郡清里町清泉
- 交通: 沿北海道國道150號行駛，到達摩周湖東北部。距離清里約37公里。
摩周湖嘅交通
景點資訊
- 名稱: 阿寒摩周國立公園
- 地址: 北海道釧路市阿寒町阿寒湖温泉1-1-1
- 交通: 從東京羽田機場飛往釧路機場或女滿別機場，再由釧路機場乘搭阿寒巴士，前往釧路站（約45分鐘）。可以嘗試以下任何一種交通方法前往阿寒摩周國立公園：
租車
最簡單嘅北海道旅行方法就係喺機場或市區租一架車。善用汽車導航系統或地圖，從釧路或網走開車約1-2小時就可以到達阿寒摩周國立公園。遊覽摩周湖後，如果有車，就可以輕鬆前往其他附近嘅湖泊，呢個就係我哋推薦租車嘅理由。
火車
乘坐JR釧網本線電車亦可以到達摩周湖。一日有5至7班次列車。由釧路站或網走前往阿寒國立公園嘅主要進出站－「川湯溫泉站」大約需２小時。
的士
如果唔想揸車，可以乘搭電車前往摩周站後再搭的士。從摩周站到摩周湖展望台大約需20分鐘。
巴士
如果喺2月份，或7月至10月份之間旅行，可以喺摩周湖或屈斜路湖附近搵倒遊客巴士。一日只有大約2-4個班次。
若想從女滿別機場去阿寒摩周國立公園，可以乘搭巴士到網走，再轉乘JR釧網本線列車。你仲可以參觀附近嘅知床國立公園。
Comments