定山溪溫泉係北海道數一數二嘅溫泉街，從札幌市中心前往約1個鐘。歷史悠久。喺1866年，修行僧侶喺呢度發現溫泉後就決定喺度定居。「湯治場」係為咗治療疾病同傷勢。另外，附近有水庫同滑雪場等，亦有相當豐富嘅觀光景點。今次小編就要推薦大家一系列嘅定山溪溫泉酒店。
客房優雅精緻 「定山溪第一寶亭留 翠山亭」
「定山溪第一寶亭留 翠山亭」係綠意盎然且優雅嘅日式酒店。地理位置佳，前往溫泉街散步都好方便。客房打造相當講究精緻，其中有一半都附有溫泉浴池。客房種類有分和室同洋室，可以優閒度過，亦可以因應各式需求嘅住宿客。餐點主要使用北海道產嘅食材。海鮮食材則係從北海道漁港直送，挑選最正嘅當季食材，農畜產物則係從當地或者係近郊地區入貨，提供嘅料理相當講究。
酒店資訊
- 酒店名稱：定山溪第一酒店寶亭留 翠山亭
- 地址：北海道札幌市南區定山溪溫泉西3丁目105
- 交通方式：從JR「札幌」站轉搭地下鐵約20分鐘喺「真駒內」站落車後，轉搭約40分鐘嘅巴士喺「第一酒店前」落車。
具備水上遊樂設施「定山溪豪景酒店」
「定山溪豪景酒店」係具備巨大水上遊樂設施嘅SPA度假型酒店。可以從窗戶眺望美麗嘅定山溪大自然，空間舒適可以悠閒輕鬆度過。提供和室、洋室、和洋室等多種房型。溫泉有寬廣嘅大浴場，同離地60m酒店最上層浴場，眺望定山溪美麗風景嘅觀景浴場。用餐提供2種選擇，可挑選任食自助餐餐廳或者宴會餐點。而且，餐廳堅持使用當造食材，餐點亦多樣化。
酒店資訊
- 酒店名稱：定山溪豪景酒店
- 地址：北海道札幌市南區定山溪溫泉東2丁目
- 交通方式：從札幌市內乘搭免費接駁巴士約50分鐘
「定山溪大酒店 瑞苑」 特徵在於寬廣嘅露天浴池
「定山溪大酒店瑞苑」坐落於可以環顧溪谷嘅高台。令定山溪大酒店引以為傲嘅係擁有最大露天浴池。客房提供洋室、和室、和洋室等能符合各式需求嘅多種房型。亦有附露天浴池嘅客房，可以一邊眺望定山溪嘅美麗溪谷，一邊享受溫泉。溫泉嘅露天浴池則可以邊眺望大自然嘅豐富美景，邊享受浸溫泉嘅樂趣。到咗冬天，仲可以喺雪景中浸喺暖笠笠嘅溫泉入面優閒度過。用餐方面則係採用自助餐形式。匯集北海道各地食材，提供種類豐富相當講究嘅料理。亦可以品嚐到炸物等啱啱出爐嘅餐點。
酒店資訊
- 酒店名稱：定山溪大酒店瑞苑
- 地址：北海道札幌市南區定山溪溫泉東4丁目328
- 交通方式：從JR「札幌」站乘搭巴士90分鐘，喺「定山溪車庫前」落車
可以眺望定山溪之美嘅「定山溪萬世閣酒店」
被自然包圍嘅「定山溪萬世閣酒店」，客房簡單乾淨有日式、西式等房型，相當舒適。亦提供適合家族同團體嘅寬敞房間，可以從多種類嘅房型中揀選。溫泉有按摩浴池等5種室內浴池，以及可眺望群山嘅露天浴池，可以喺呢度優閒度過。用餐採取自助餐形式，約80種類嘅日式、西式、中華等餐點，可以品嚐到堅持使用北海道產食材料理嘅餐點。另外，仲提供喺客房內都可以品嚐懷石料理嘅服務，可以依據自身情況選擇用餐方式。
酒店資訊
- 酒店名稱：定山溪萬世閣酒店
- 地址：北海道札幌市南區定山溪溫泉東3丁目
- 交通方式：從JR「札幌」站乘搭巴士約1個半小時，喺「定山溪」站落車後步行約1分鐘
Comments