本篇文章內容由Relux Magazine提供。
2018年迎來開業40周年嘅靜岡袋井「葛城北之丸」，係一處佇立喺靜謐森林之中嘅高級旅館，無處不見日本傳統建築之美與充滿現代感嘅格調，係「葛城北之丸」最大嘅魅力所在。
傾聽森林嘅靜謐 專屬於您嘅奢華假期
位於靜岡袋井嘅高級旅館葛城北之丸，係由日本最大嘅樂器製造商「YAMAHA集團」所經營管理，從老屋移築過來嘅建築物古色古香，兼具咗日本傳統建築之美與現代感，極上奢華嘅空間隨處可以感受到日本職人嘅匠心獨具。此地因為過去係葛嘅產地而名為「葛城」，「北之丸」則係日本城郭當中嘅一個區塊，取名為「葛城北之丸」含有「為殿下全心款待的旅宿」嘅寓意，係一處專為大人打造嘅度假勝地。
葛城北之丸嘅4棟客房藤殿、葵殿、櫻殿、萩殿皆以花嘅名稱嚟命名，並且全部都係嚟自北陸豪雪地帶嘅老屋所移築改建而成嘅。以長年累月對抗強勁風雪嘅古木為梁柱，內裝設計同家具都使用咗珍貴嘅天然木材，由內到外散發出質樸而溫暖嘅氛圍，令您喺度假嗰陣可以真正咁放鬆。除此之外，每間浴室備有充足嘅沐浴用品，提供女性朋友無微不至嘅照顧與呵護。喺藤殿嘅庭園設有藤架，每年四月底至五月左右，仲可以欣賞搖曳生姿嘅藤花㖭。
盡情品嚐來自山裡海裡嘅珍饈美饌
靜岡縣大井川以西喺古代令制國時期稱為「遠江國」，別名「遠州」，自古以來就以美食聞名。喺葛城北之丸請您務必品嚐招牌嘅季節宴會料理，使用咗來自遠州灘、駿河灣嘅魚蝦貝類……等美味嘅海鮮、當地自產嘅新鮮蔬菜，同埋靜岡產嘅優質牛肉，然後再叫番一杯美酒，就完美啦！當夜幕低垂，庭園同自然林被光所包圍，十分寧靜而且又令人放鬆。
可以彰顯食材美味嘅美酒都係不容錯過嘅，葛城北之丸備有各式各樣嘅酒可以滿足您嘅味蕾，除咗有袋井自產嘅地酒之外，仲有以100%山田錦所釀造嘅大吟釀酒「北之丸」，同埋嚟自世界各國嘅紅酒。現場會有侍酒師提供專業嘅建議，協助您揀選與食材最契合嘅酒品。美食與美酒喺舌尖上共舞，係只有大人先至可以體驗嘅極上奢華之旅。
為咗令紅酒保持最佳風味，葛城北之丸館內設置咗專業嘅酒窖，控制溫度喺攝氏12度至14度、濕度喺70%至75%，就連酒瓶嘅擺放方式都非常講究，妥善保存每一支深受顧客喜愛嘅名酒。請務必品嚐一吓嚟自日本海內外約150種為您所精心挑選嘅紅酒啦。
與自然融為一體嘅溫泉與日式庭園
葛城北之丸設有3座各異其趣嘅大浴池，以古木為梁柱、擁有石造圓形浴槽嘅「湯藏」，坐落喺和風嘅竹林庭園之中，與大自然融為一體；充滿野趣嘅「湯殿」以天然石頭做成露天浴池，並以黑御影石同白色木片營造出高質感嘅室內空間；另外仲有室內嘅「湯屋」，挑高嘅天井配搭大片落地窗，窗外嘅自然造景一覽無遺。其中最推薦嘅係湯藏，厚實古樸嘅建築風格與寬廣嘅空間舒適無比。當微風輕拂，竹葉沙沙作響，隨住季節變化嘅蟲鳴鳥叫宛如一支四季交響曲，彷彿返咗故鄉，不禁令人諗起記憶中單純美好嘅小時候啊。
徜徉喺庭園同原生林交織嘅美好景色，係喺葛城北之丸度過愉快假期嘅一種方式，精心設計並且勤於維護嘅日式庭園，與幾乎維持原貌嘅原生林，達到絕佳嘅平衡感，清新嘅空氣以及與碧藍晴空相輝映嘅森林，真係令人感到通體舒暢啊。
夏季風物詩 尋找螢火蟲嘅蹤跡
若您喺初夏時節造訪，喺用完美味嘅餐點以及放鬆身心嘅溫泉之後，唔好唔記得嚟尋找螢火蟲嘅蹤跡啊。靜岡袋井係螢火蟲嘅故鄉，其中以自然繁殖嘅「源氏螢」（備註：日本代表嘅原生品種螢火蟲）最為有名。您可以乘搭接駁巴士輕鬆前往螢火蟲嘅故鄉，越往上游前進數量就越多，無數嘅螢火蟲與夢幻嘅景致喺度等待您嘅造訪，喺酒足飯飽之後不妨嚟進行一場夏季限定嘅懷舊體驗啦！
＊螢火蟲觀賞時期：大約五月底~六月頭（可能依據天候狀況而進行調整。）
日本之美等待您親身體驗
喺葛城北之丸無處不見YAMAHA集團所孕育出嘅感性與日本傳統建築之美，廣大嘅腹地內大自然嘅聲音同蟲鳴不絕於耳，感受到日本之美嘅瞬間，心靈都可以獲得療癒與平靜。即使係經過咗上百年，呢度嘅一草一木依然保持住最原始純真嘅感動，準備好嚟葛城北之丸親身體驗一場專屬於您嘅高質感旅行未呢？
Relux
你可以Click呢度註冊Relux網站會員。
Relux會員優惠包含：
- 特別優惠折扣券
- 5% 回饋獎勵點數
- 最優惠價格保證
Comments